Үндсэн хуулийн 6.2 заалттай холбогдуулан иргэдийн дунд маргаан үүсэд буй. Уг асуудлаар эрдэмтэн мэргэд, төрийн бус байгууллагуудыг оролцуулсан хэлэлцүүлэг Төрийн ордонд болж байна. 

Энэ үеэр УИХ-ын дарга Г.Занданшатар "Буруу юм хийсэн бол би хариуцлага хүлээе. Харин санаатайгаар гацаах оролдлого хийж байгаа бол хатуу хариуцлага хүлээлгэнэ. Энд хууль хяналтын байгууллага оролцож байгаа.

Улс орны хийсэн зөв зүйл бүрийг өнгөрсөн 30 жил гацааж ирсэн шүү. Гадаадын иргэнд эзэмшүүлж болно гэдэг заалт чинь 1992 онд байсан заалт. Шинээр оруулсан заалт огт биш.

Ер нь хэвлэл мэдээллийн хэрэгсэл иргэдэд Үндсэн хуулийн тухай ойлгуулдаг тайлбарладаг, таниулдаг цагтай болмоор юм байна. Иргэдийг буруу зүйлд турхирч болохгүй. Үндсэн хуулийн заалтын нэгийг нь тасдаж аваад гуйвуулаад байна гэдэг Үндсэн хуульт байгууллагын эсрэг үйлдэл болоод байна. Үүний цаана өөр зорилго яваад байна.

Хэт их нэг тийш нь гуйвуулаад байх юм. Бид социализмыг байгуулж болоохгүй. Хаа хаанаа хариуцлагатай байя. Хэрэв бид буруу зүйл хийсэн бол хариуцлагаа хүлээе. Харин Үндсэн хуулийн үзэл санааны эсрэг буруу зүйл тараавал гэмт үйлдэл болно шүү" гэлээ. 

А.Сүх