УИХ-ын чуулганы ээлжит бус чуулганы нэгдсэн хуралдаанаар өнгөрсөн тавдугаар сарын 7-ны өдөр батлагдсан УИХ-ын тухай хуулийн шинэчилсэн найруулгад тавьсан Ерөнхийлөгчийн хоригийг хэлэлцэж байна. Энэ үеэр гишүүд үг хэлсэн юм. 

С.Амарсайхан: Ерөнхийлөгчийн хоригийг хүоээн авах нь зүйтэй. Бид эрх мэдэл талаас нь асуудлыг харахаас биш үүрэг талаас нь хардаггүйн тод жишээ энэ асуудал гэж харж байна. УИХ-д өргөн барьсан хуулийн төсөлд сэтгэлийн хөөрлөөр ханддаг. Эдийн засгийн ул суурьтай тооцоолол хийдэггүй нь харагдаж байна. Хуцлийг хэн санаачлах вэ гэдэг асуудал тусдаа байх ёстой. Үүнийг санаачиллаа гэдгээр туйлширч болохгүй.

Бид эрх зүй, тогтолцоо талаас нь хардаг ч эдийн засаг талаас нь хардаггүй. Тиймээс энэ тал дээр илүү нухацтай ханддаг байх. Хууль тогтоох дээд байгууллага судалгаа тооцоотой байхыг энэ асуудал шаардаж байна.

Ж.Батсуурь: Хоригийг хүлээн авах нь зөв. Энэ хүрээнд алдагдсан эрхүүдийг засаж залруулах ёстой. Цөөнхөөс үг хэлсэн хүмүүс дээр УИХ-ын тухай хууль, Дэгийн тухай хууль хатуу сануулаад байгаад харамсаж байна.

Миний бодлоор Б.Пүрэвдорж гишүүний эрхийг биш Т.Аюурсайхан гишүүний эрхийг хасах ёстой байсан. Б.Пүрэвдорж гишүүн үг хэлж байхад Т.Аюурсайхан дундуур нь орж ирээгүй бол тийм зүйл болохгүй байсан.

Энэ танхимд та бүхэн долоо дахин давуу эрхтэй байна. Цөөнхийн хэлсэн үгийг газар дээр нь нухчин дардаг асуудал байна. Энэ дээр анхаарахгүй бол маргаан үүснэ. УИХ-ын гишүүний хууль санаачлах эрхийг сэргээх ёстой. Харин батлах эсэх нь парламентын бүрэн эрх.  

А.Сүх