2020 оны ээлжит сонгуулийн үр дүнгээр парламентад 13 эмэгтэй гишүүн сонгогдсон. Өмнөх парламентын үед 13 эмэгтэй гишүүн сонгогдож байсан уламжлал энэ удаад ч хадгалагдан үлдсэн гэсэн үг. Үүнээс МАН-аас 11, АН-аас хоёр эмэгтэй гишүүн сонгогдсон юм. Тэгвэл 2024 оныг хүртэл сонгогдсон тойрог, иргэдээ төлөөлөх эрхтэй болсон эмэгтэй гишүүд нам харгалзахгүй хамтран ажиллахаар Бүлэг байгуулжээ. Бүлгийг УИХ-ын гишүүн, сайд Д.Сарангэрэл даргалахаар болсон байна.

Энэ үеэр УИХ-ын гишүүн П.Анужин “Бүлгийн бүсгүйчүүдийн санаачлан, удирдан чиглүүлж явах ажилд идэвхтэй оролцож, дэмжинэ.

Миний хувьд үндэстэн улс үндэстэн оршин тогтнож байгаагийн чухал зүйл болон өв соёлын чиглэлд ажиллана. Бид өнөөдрийг хүртэл ирсэн өв соёлыг хэрхэн цааш өвлүүлэх вэ гэдгийг хүн бүр бодох ёстой. Өв соёлтой холбоотой хууль хэрхэн хэрэгжиж байгаа болон шаардлагатай гэж үзвэл хууль санаачлах, шинэчлэх асуудлаар ажиллана” гэлээ.

С.Сүлд