УИХ-ын үдээс хойшхи чуулган Монгол Улсыг 2020-2025 он хүртэл хөгжүүлэх УИХ-ын тогтоолын төслийн талаар хэлэлцэж байна. Энэ үеэр гишүүд үг хэлсэн юм. 

Ц.Анандбазар: Засгийн газрын мөрийн хөтөлбөрт тусгагдсан олон зүйлийн дотор Монголд хоёр, гурав дахь хэлтэй залуучууд их болжээ. Нүүдэлчин ард түмэн учраас хэлийг хурдан сурдаг.

Өнөөдөр үндэснийхээ хэлээр гайхалтай сайхан бичдэг, ярьдаг залуус төрд ч тэр цөөн болж. Монгол хэлийг бүрэн хэрэглэдэг уран зохиолын багш хүртэл цөөн болж. Эх хэлээ сураагүй хүн хоёр, гурав дахь хэлийг сурдаггүй юм.

Монгол хэлний сургалтын чанарын асуудалд онцгой анхаарахгүй бол сүүлийн үед сурах бичиг гадаад зохиолыг хөрвүүлээд буулгачихсан юм шиг болсон шүү.

Засгийн газрын мөрийн хөтөлбөрт нэг зүйл дутагдалтай байна. Өнөөдөр малын хулгайд өртөөгүй малчин өрх байдаггүй юм байна лээ. Цаашид энэ байдал үргэлжилбэл улсын эдийн засагт ч сөргөөр нөлөөлж болзошгүй байна. Хөдөө орон нутгаас сонгогдсон гишүүд мэдэж байгаа байх.

Сонгогдох болохоороо малчдаа санадаг баймааргүй байна.

Нөгөөтээгүүр, малын гаралтай түүхий эдээ боловсруулж чадахгүй өдийг хүрлээ. ХХААХҮЯ-аас асуумаар байна. 1990 оноос хойш хэчнээн үйлдвэр бий болсон бэ. Тусгаар тогтноод 100 жил болчихоод малын гаралтай түүхий эдээ боловсруулж чадахгүй улс байж болохгүй.  

А.Сүх