24tsag.mn уншигч таньд маш сонирхолтой жагсаалтыг хүргэж байна. 
    Н.Алтанхуягийн шинэчлэлийн хэмээх тодотголтой Засгийн газрыг АН, МАХН-МҮАН-ын “Шударга ёс” эвсэл, ИЗНН, бие даагчид нийлэн байгуулсан. Тэд нийлээд парламентын 76 суудлын 46-г бүрдүүлээд байна. Үүнийг задалж үзвэл АН-ынхан 31, МАХН-МҮАН-ын “Шударга ёс” эвсэл 10, ИЗНН 2, бие даагч 3 суудалтай нийлээд 46. Харин МАН 25 суудалтай. Өвөрхангай, Сонгинохайрхан, Баянзүрх болоод Н.Энхбаярын намын гээд маргаантай 5 суудал эзнээ хүлээж байна.
   Харин энэ 46 гишүүний 43 нь УИХ-ын дарга, Ерөнхий сайдаас эхлээд бүлгийн дэд дарга хүртэлх албан тушаалыг хашиж байна. УИХ-ын гишүүд албан тушаалгүй хоцорсон нэгэндээ бүр монголын парламентад байгаагүй зөвлөлийг хүртэл байгуулан дарга болгож сэтэр зүүлгэв. Харин Ерөнхий сайд асан Р.Амаржаргал, ГХ-ны дэд сайд асан Б.Болор, алдарт “Мон-Уран”-ы Б.Наранхүү гурав албан тушаалгүй, ямар нэгэн сэтэргүй үлдэж хоцорчээ. Р.Амаржаргал ичээд татгалзаад байдаг байх. Харин Б.Наранхүү, Б.Болор хоёрыг шинэ гэж элэг бариад хоосон үлдээсэн сурагтай. Гэтэл бие даагч гурван гишүүн хүртэл дэд хороо, зөвлөлийн дарга болж.
  Ингээд илүү тайлбаргүйгээр МАН-ын бус 46 гишүүний 43 нь ямар албан тушаал хашиж байгаатай танилцаж, дүгнэлт хийхэд гэмгүй санагдана.