УИХ-ын ээлжит бус чуулганаар 2020 оны Төсвийн хүрээний мэдэгдэл, 2020-2021 оны Төсвийн төсөөллийн тухай хуульд өөрчлөлт оруулах хуулийн төслийг анхны хэлэлцүүлэгт шилжүүлэх талаар хэлэлцэж, гишүүдийн олонхийн саналаар дэмжигдлээ. Энэ үеэр гишүүд үг хэлж, асуулт асуусан юм. 

Т.Доржханд: 2021 оныг хэт өөдрөгөөр хараад байна. Эрсдэл байна шүү дээ гэж хэлж байсан. Хоёр хоногийн өмнө ДЭМБ-ын захирал цар тахал хоёр жил үргэлжлэх хандлагатай болчихлоо гээд. Хэдийгээр вакцин гарсан ч түгээлт хийхэд нэг жил зарцуулна гэсэн. Бид Хятадаас л хамаарч байгаа болохоор, эдийн засаг нь гайгүй байгаа болохоор гэсэн тайлбар хийгээд байна. Гэтэл Хятад улс өөрөө эрсдэлтэй нөхцөл байдалд байгаа шүү. Төсвийг дахин өөдрөгөөр төсөөл байна уу. Эсвэл өөрчилье гэж бодож байна уу.

Ч.Хүрэлбаатар: Анх төсвийн тодотголыг өргөн барихдаа төсвийн тогтвортой байдалд холбогдох заалтыг өөрчлөхгүйгээр хуульд заасан нөхцөл байдал үүслээ гэж үзэж байсан. Энэ нь эдийн засгийн өсөлт хасах болох эсвэл онцгой байдлаас үүссэн эдийн засгийн нөхцөл байдал нь ДНБ-ий 5 хувиас доошгүй гэсэн нөхцөл байдал байсан. Энэ биелсэн. УИХ-ын Тамгын газраас холбогдох заалтыг өөрчлөх хэрэгтэй гэсний дагуу Засгийн газарт оруулсан. Миний харж байгаагаар холбогдох хуулиудыг түдгэлзүүлчихлээ. Одоо яах вэ гэдэг нөхцөл байдал үүссэн.

Эдийн засгийн нөхцөл байдал V хэлбэртэй байна гэдэг байр суурь дээр хэвээр байгаа. Олон судалгааны дүнд ийм дүгнэлтэд хүрсэн.

А.Сүх