Төр, нийгмийн нэрт зүтгэлтэн Ю.Цэдэнбал, түүний гэргий А.Филатова нарыг цагаатгуулах талаар УИХ-ын гишүүн С.Одонтуяа болон бусад албаны хүмүүс мэдээлэл хийлээ. 

УИХ-ын гишүүн С.Одонтуяа "Монгол Улсын төрийн тэргүүнээр 44 жил ажилласан Ю.Цэдэнбал, түүний гэргий А.Филатова нарыг хууль ёсны дагуу шүүхийн шийдвэрээр цагаатгуулахаар Иргэний хэргийн анхан шатны шүүхэд өнөөдөр өргөдөл гаргалаа. Тодруулбал, 2014 оны аравдугаар сарын 22-ны өдөр УИХ-ын дэд дарга Л.Цогоор ахлуулсан ажлын хэсэг Ю.Цэдэнбалыг хэлмэгдүүлсэн байна гэдэг дүгнэлтийг түүхийн бүхий л эх сурвалжуудад үндэслэж тогтоосон байдаг. 

Эдгээр хүмүүсийг цагаатгаж байна гэдэг нь төр уучлал гуйж байна гэсэн үг. Зарим нь Ю.Цэдэнбал, түүний гэргий А.Филатова нарыг цагаатгачихсан гээд байдаг. Гэтэл бодит байдал дээр тэдний бүх гавьяа шагналыг хураасан шийдвэрийг зарлиг гарган буцааж олгосон зүйл байдаггүй" гэлээ. 

А.Сүх