Австралийн хөрөнгийн биржид бүртгэлтэй "Guildford Coal" компанийн 75 хувийг эзэмшдэг "Terra Energy" нь "Өмнөговь" төслийнхөө "North Pit" ордод энэ сараас олборлолт явуулж эхлэх аж.  Тус компанийхан арваннэгдүгээр сард анхны коксжих нүүрсээ үйлдвэрлэж эхлэн, эхний жилд гурав орчим сая тонн нүүрс олборлоно гэж тооцоолжээ. Мөн эхний ээлжинд зардал нь 10 сая ам.доллар байна хэмээн төлөвлөжээ. Цаашид "North Pit" ордоос жилд ойролцоогоор дөрвөн сая тонн коксжих нүүрсийг ил уурхайн аргаар олборлох боломжтой гэнэ. "Өмнөговь" төслийн талбайн коксжих нүүрсний нөөцийн хэмжээ JORC ангиллаар 70.4 сая тонн хүрэх гэнэ. Түүнчлэн нарийн сухайт, Овоотолгой ордоос зүүн зүгт 50 км-ийн зайд оршдог аж.