Цагдаагийн ерөнхий газрын даргын зөвлөл өчигдөр хуралдаж, зарим газар, хэлтсийн даргыг өөрчилжээ. Замын цагдаагийн газрын дарга, хурандаа Х.Энхжаргалыг чөлөөлж, боловсон хүчний мэдэлд үлдээжээ. Харин түүний оронд дэд хурандаа Ж.Буянбатыг томилсон байна.
Ж.Буянбат нь Эрүүгийн цагдаагийн газрын Зохион байгуулалттай гэмт хэрэгтэй тэмцэх хэлтсийн даргаар ажиллаж байсан хүн юм. Уг нь тус газрын даргаар Баянзүрх дүүргийн хэлтсийн дарга, хурандаа Д.Ядамдоржийг томилж байгаа гэх мэдээлэл байсан ч уг томилгоог ЦЕГ-ын даргын зөвлөлийнхөн батлаагүй гэнэ.
Мөн Нийгмийн хэв журам хамгаалах газрын дарга, хурандаа Б.Ганзоригийг өөрчилж, дэд хурандаа П.Энхтогтохыг томилсон байна. П.Энхтогтох нь өмнө нь тус газрын тусгай хэлтэст ажиллаж байгаад, ТЕГ-ын харьяа Төрийн тусгай хамгаалалтын хэлтэс рүү шилжсэн аж. Улмаар НХЖХГ-ын даргаар буцаж томилогджээ.
Б.Золбоо
