Засгийн газрын өнөөдрийн ээлжит хуралдаанаар ТЕГ-ын дараагийн даргыг хэлэлцэж, тус газрын тэргүүн дэд даргаар ажиллаж байсан П.Одонбаатарыг томилжээ.  

Тодруулбал, өнгөрсөн наймдугаар сарын 25-нд хуралдасан Засгийн газрын шийдвэрээр ТЕГ-ын дарга, генерал Д.Гэрэл болон дэд дарга Б.Энхсүх нарыг үүрэгт ажлаас нь чөлөөлсөн. 

П.Одонбаатарын хувьд өнгөрсөн сарын 12-ны өдрийн ээлжит хуралдаанаар тэргүүн дэд даргаар томилогдож, ийн дарга хүртэл дэвшлээ. Тэрбээр цэргийн байгууллагад 25 жил ажилласан, цэргийн хурандаа цолтой.

1996-1999 онд Дундговь аймгийн Засаг даргын дэргэдэх Цагдаагийн хэлтэст мөрдөн байцаагч

1999-2001 онд Улсын аюулгүй байдлыг хангах ерөнхий газрын Мөрдөн байцаах хэлтэст мөрдөн байцаагч

2001-2015 онд Тагнуулын ерөнхий газрын Мөрдөн байцаах хэлтэст ахлах мөрдөн байцаагч, тасгийн дарга, хэлтсийн орлогч дарга, хэлтсийн дарга

2018-2019 онд Тагнуулын ерөнхий газрын албаны дарга

2019 оноос Тагнуулын ерөнхий газрын Орон нутгийн газрын даргаар томилогдон ажиллаж байсан.

А.Сүх