Нийслэлийн МАХН-ын дарга Э.Эрдэнэжамъян, нийслэлийн АН-ын даргын үүрэг гүйцэтгэгч Д.Пүрэвдаваа, ШИНЭН-ын ерөнхий нарийн бичгийн дарга Б.Мөнжаргал нар хамтран ажиллахаа тунхаг бичигт гарын үсэг зурлаа. 

Тэдний зүгээс ирэх орон нутгийн ээлжит сонгуульд намууд харилцан санал хуваахгүйгээр биенээ дэмжин хамтран оролцохоо илэрхийлж, энэ үйл ажиллагаа цаашид орон нутагт үргэлжилнэ гэдгийг онцолсон юм.  

Тунхаг "Монгол Улсад ардчилсан шударга нийгмийн цогцлоохын төлөө хамтран ажиллана хэмээн бичсэн бөгөөд  НИТХ-ын 2020 оны ээлжит суонгуульд оролцохдоо шат шатны сонгуулийн булхай, луйвар, иргэдийн сонгох, сонгогдох, үг хэлэх, үзэл бодлоо илэрхийлэх эрхийг хамгаалах чиглэлээр хамтран ажиллана" гэжээ. 

Одоогийн байдлаар намууд орон нутгийн сонгуульд хэнийг нэр дэвшүүлэх эсэх талаар тогтоогүй бөгөөд энэ сарын 6-нд эцэслэн шийдэхээ мэдэгдлээ. 

Б.Лхам