БНМАУ-ын гарамгай бааатар Лодонгийн Дандарын ач охины “дүр”-ээр олон танигдсан Г.Гангамөрөн Баянгол дүүрэгт НИТХ-ын төлөөлөгчийн сунгаанд нэр дэвших тухай өнгөрсөн долоо хоногт цацагдаж эхэлсэн.

Нам, эсвлүүд орон нутгийн ээлжит сонгуульд хэнийг нэр дэвшүүлэхээ хараахан зарлаагүй ч түүнийг МАН-аас нэр дэвшүүлэхээр болжээ. Г.Гангамөрөнг УИХ-ын гишүүн Ж.Ганбаатар зүтгүүлж буй гэх.

МАН-ын сүүлийн үеийн томилгоо, нэр дэвшигчдээс харахад залуу улстөрчдийг дэмжиж, тэднээр хүч сэлбэж байна. Үүний нэг нь Г.Гангамөрөн. Шинэ боловсон хүчнээр шинэчлэлт хийж байгаа нь сайн хэрэг. Гэхдээ машин дотроо хоол хийж өөрийгөө “пи-ар”-дах хүртэл ёсзүй, ухамсаргүй хүмүүсийг нэр дэвшүүлмээргүй байна. Ийм хүнээс улстөрч хүнд байх наад захын соёл, ухамсар, хариуцлагыг шаардаад ч хэрэггүй.

Уг нь орон нутгийн ээлжит сонгууль бол түүний улс төрийн ахний гараа нь.  Энэ ч утгаараа юу ярьж, юу хийнэ түүгээрээ үнэлүүлнэ. Цаашлаад овоглоно. Орчноо мэдэрч “пи-ар”-ддаггүй энэ хүндээ жаахан ёсзүй, өндөр хариуцлагатай сурталчилгаагаа хийх талаар бусад нөхөд нь заагаад, дамжуулаад өгөөч.

Б.Лхам