Орон нутгийн сонгуульд Төв аймаг дахь МАХН, АН нар хамтарч оролцох түншлэлийн гэрээ байгууллаа.

Энэ талаар Төв аймгийн Монгол ардын хувьсгалт намын дарга О.Буяннэмэх “Төв аймгийн энэ жилийн орон сонгууль онцлогтой болно. Тодруулбал, МАХН, АН орон нутгийн сонгуульд хамтарч оролцох түншлэлийн гэрээ байгуулж байна.  

Манай аймаг орон нутгийн сонгуульд оролцохдоо улс төрийн шинэ соёл гаргая гэж зорьж байгаа. Хамгийн гол нь аймаг төдийгүй улс орны хөгжилд садаа болж байгаа гол асуудал нь намчирхал. Тиймээс Төв аймгаар жишиг болгож улстөржилт, намчирхлыг зогсооно. Аймаг орон нутгаа хөгжүүлэхийн төлөө ажиллана. Төв аймгийн залуус дэмжиж оролцоосой гэж хүсэж байна” гэлээ. 

А.Сүх