Манай улсын төрийн тэргүүн Х.Баттулга өнгөрсөн хоёрдугаар сард БНХАУ-д айлчилснаас хойш манай хоёр улсын төр засгийн хэмжээний харилцан айлчлал болоогүй.

Тэгвэл энэ удаа БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И манай улсад ажлын айлчлал хийх сураг байна. Монгол Улсад хэдэнтээ ирж байсан Ван И сайд энэ сарын дундуур ажлын айлчлал хийх бололтой.

Цар тахлын хорио цээрийн үеэр товлосон энэхүү айлчлалын үеэр Монгол Улсаас БНХАУ руу экспортлох нүүрсний хэмжээг нэмэгдүүлэх талаар яриа хэлцэл хийнэ гэсэн хүлээлт байгаа юм. Нүүрсний экспорт буурсан нь манай улсын эдийн засагт чамгүй дарамт болж байгаа энэ үед хийх Ван И сайдын айлчлал эерэг хүлээлт үүсгэх нь ээ.

С.Сүлд