Нийслэлийн АН, МАХН, ШИНЭН нар хамтран орон нутгийн сонгуульд оролцохоо зарласан тухай бид өмнө нь мэдээлсэн. Тэд "Ардчиллын төлөөх намуудын нэгдэл" байгуулжээ.

Тус нэгдлээс дэвшүүлж буй мөрийн хөтөлбөрөөс Нийслэлийн АН-ын даргын түр орлон гүйцэтгэгч Д.Пүрэвдаваа танилцууллаа. Тэрбээр “Цар тахалтай холбогдуулан аж ахуйн нэгжүүд үйл ажиллагаагаа чөлөөтэй явуулах нөхцөл байдал алдагдсан. Энэ асуудлыг яаралтай шийдвэрлэж, хэвийн горимд нь оруулна.

Дараа нь нийтийн тээвэр, баян ядуугийн ялгаанд анхаарлаа хандуулна. Өнөөдөр хотын түгжрэл дээд түвшинд хүрсэн.

Тиймээс нийтийн тээвэрт шинэчлэлт хийж, бусад орны жишигт байгаа шиг нийтийн тээврийг үнэгүй болгох бодлого барина.

Хүүхэд болон ахуйн хулгайн дээрэм зэрэг олон тулгамдсан асуудал байна. Даяаршиж байгаа нийгэмд технологийн дэвшлийг нийслэлд тулгамдаж байгаа асуудлыг шийдвэрлэнэ" гэлээ.   

А.Сүх