Манай улсын төсөв бүрдүүлдэг гол эх үүсвэр нь уулс уурхай. Энэ утгаараа уул уурхайн бүтээгдэхүүний дэлхийн зах зээлийн ханш эдийн засагт шууд нөлөө үзүүлдэг. Тиймээс эдийн засагчдын зүгээс дан ганц уул уурхай биш эдийн засгийг солонгоруулах алхам руу яаралтай орох шаардлагатай гэдгийг сануулсаар байна.

Түүнчлэн Хятадын Гадаад хэргийн сайд Ван И-гийн айлчалтай холбогдуулан тус улсаас Монгол Улсад суугаа Элчин сайд Цай Вэньруй "Өдрийн сонин"-д өгсөн ярилцлага өгчээ. Уг ярилцлагадаа “Хятад улсад нүүрсний шаардлага бараг байхгүй” гэж тэмдэглэсэн байна.

Манай улсын нүүрсний гол экспортлогч орон бол Хятад. Хэрэв БНХАУ нүүрс худалдаж авахаа зогсоовол эдийн засагт хүнд цохилт болно. Хятадын Элчин сайдын эл үг тус улсаас бидэнд өгч буй улс төрийн сануулга гэж үзэх хүн олон байна. 

Энэ талаар өмнөх улс төрийн зүтгэлтнүүд ч өөрсдийн байр сууриа цахим хуудсаараа дамжуулан илэрхийлээд байгаа. Тэгвэл УИХ-ын гишүүн асан А.Ундраа “Нүүрсний хэрэглээ багасч байгаа нь ганц айлын хэрэг биш шүү дээ. Дэлхий нийтээрээ нүүрс хүчлийн хийг багасгах тал руу шинжлэх ухаан, оюун ухаан, бодлого юугаа уралдуулж байна. Бид амжиж зарах, параллелаар бусад чадавхиа хөгжүүлэх. Өөр гарц үгүй” гэжээ. 

А.Сүх