Гадаад харилцааны сайд Н.Энхтайвны урилгаар БНХАУ-ын Төрийн зөвлөлийн гишүүн, гадаад хэргийн сайд Ван И-гийн айлчлал өчигдөр албан ёсоор эхэлсэн. Тэрбээр өнөөдөр төрийн гурван өндөрлөгт бараалхаж, манай улсад 700 сая юанийн буцалтгүй тусламж үзүүлэх гэрээнд гарын үсэг зурах юм.  

Уг хэлэлцээний үеэр Монгол, Хятадын Иж бүрэн стратегийн түншлэлийн харилцааг бэхжүүлэх, улс төрийн итгэлцлийг гүнзгийрүүлэх, бүх салбарын хамтын ажиллагааг урагшлуулах болон бүс нутаг, олон улсын харилцааны холбогдолтой өргөн хүрээний асуудлаар ярилцаж, олон асуудлаар тохиролцоонд хүрчээ.

Гэхдээ айлчлалд оролцсон бүх хүмүүсийг 14 хоног тусгаарлах учраас Хятадын сайдыг төрийн гурван өндөрлөгт бараалхуулах эсэх нь одоогоор тодорхой болоогүй байгаа аж. 

Хятадын Гадаад хэргийн сайдын айлчлааас иргэд монгол хэл, бичгийг хамгаалах талаар бид анхаарна гэдэг үг хэлэхийг хүлээж байсан ч талаар болов бололтой. Учир нь айлчлалын ерөнхий дүр зураг, хөшгийг БНХАУ-аас Монгол Улсад суух Онц бөгөөд Бүрэн эрхэт Элчин сайд нь өдөр тутмын сонинд өгсөн ярилцлагадаа гаргаад өгчихсөн. Өөрөөр хэлбэл, Өвөрмонголчуудын хэл соёлын асуудал тус улсын дотоод асуудал. Үүнд Монгол Улс оролцохгүй байвал зохино. Хэрэв оролцвол танай улсын эдийн засагт нөлөөлнө гэсэн утга бүхий мессеж илгээсэн юм. Юутай ч Хятадын сайд уулзалтын үеэрээ юу хэлэх нь өнөөдөр тодорхой болно. Мэдээж Өвөрмонголчуудын хэл, соёлын асуудлаар ам нээх нь тодорхой болсон. Гэхдээ Элчийн сайдынхаа хэлснийг л дэлгэрүүлэх болов уу.

Ингээд Хятадын Гадаад хэргийн сайдын айлчлалын талаар иргэд юу жиргэснийг хүргэе.

Б.Лхам