Шүүхийн тухай хуулийн шинэчилсэн найруулгын төслийн хэлэлцүүлэг Төрийн ордонд болж байна.

Энэ үеэр УИХ-ын гишүүн Б.Энхбаяр “Засгийн газар болон Ерөнхийлөгчөөс өргөн барьсан Шүүхийн тухай хуульд тусгагдсан ижил нэг зүйл нь ҮАБЗ-өөр шүүгчийг чөлөөлдөг асуудлыг болих гэж байна. Шүүгчийг ҮАБЗ-өөр чөлөөлдөг байх нь хараат бус, бие даасан байдлыг алдагдуулж байна. Өөрийг нь томилдог хүмүүст үйлчилдэг болох хонгил руу оруулж байгаа юм. Тиймээс энэ асуудлаас эхэлж цэгцэлнэ. Шүүгчийг бие даалгаж ажиллуулна.

Нөгөөтээгүүр, үүнтэйгээ дүйсэн хариуцлага ёс зүйг шаардана.

Өмнө нь Ерөнхийлөгч ямар үндэслэлээр гэдэг нь тодорхойгүй 13 шүүгчийг түдгэлзүүлж байсан. Энэ мэтээр үндэслэл нь тодорхойгүй зүйлээр шүүгчдийг чөлөөлдөг байж болохгүй. Шүүхийн тухай хуулийн шинэчилсэн найруулгаар олон дахин хэлэлцүүлэг хийнэ. Хоёрын хооронд хууль хийхгүй. Эмчилгээ амаргүй байх байх. Жирийн тариа хийхгүй. Мэс засал хийнэ” гэлээ.

Б.Лхам