УИХ-ын сонгуулийн тухай хуулийн 58,1-т “Төрийн аудитын дээд байгууллага зардлын тайланг хүлээн авсан өдөр (долоодугаар сарын 24)-нөөс хойш 60 хоногийн дотор хянаж, дүнг нийтэд мэдээлнэ” гэж заасан байдаг.

Энэ дагуу  Үндэсний аудитын газраас УИХ-ын сонгуульд нэр дэвшсэн 606 хүний зардлын тайланг долоодугаар сарын 24-ны дотор хүлээн авч хянаад өнөөдөр олон нийтэд мэдээлэх учиртай. УИХ-ын сонгуульд өрсөлдсөн 13 нам, дөрвөн эвслийн тухайд зардлын тайланг нь ирэх сарын 6-ны дотор ҮАГ-аас нийтэд мэдээлэх үүрэгтэй. Тайлангаас нэр дэвшигчид хичнээн төгрөгийг дансандаа байрлуулж, хэдийг нь зарцуулсан.

Мөн хэдий хэмжээний хандив авсан зэргийг тодорхой харж болохоос гадна хөрөнгөө зориулалтаар нь буюу сонгуулийн сурталчилгаандаа ашигласан. Зардлын дээд хэмжээг хэтрүүлсэн эсэхийг нь мөн хянах юм. Одоогийн байдлаар УИХ-ын сонгуульд нэр дэвшсэн 606 хүний 65 хувь нь зардлын тайлангаа хуулийн хугацаанд ирүүлээгүй байгаа аж.

У.Гэрэл