Сангийн сайд Ч.Хүрэлбаатар эдийн засгийн нөхцөл байдлын талаар тодрууллаа.

Тэрбээр “Английн Сангийн яам, Хятад улсын Ардын банк, Евро-Азийн сангийн төлөөлөл зэрээс дөрвөн төлөөлөл ирж “Саарал жагсаалт”-аар хийсэн ажлыг дүгнэнэ. “Саарал жагсаалт”-аас үүдэн манай улсын гадаадад хийж байгаа гүйлгээнүүдийн өртөг нэмэгдэж байна.

Учир нь нэг аж ахуйн нэгж гүйлгээ хийлээ гэхэд заавал хянах болоод байгаа юм. Тиймээс богино хугацаанд энэ жагсаалтаас гарах шаардлагатай байна.

Засгийн газар дунд хугацаанд өрийн дарамтыг бууруулах мөн бонд чиглэлээр хэд хэдэн хэлцэл хийж байна. Жишээлбэл, нэг жил 500 сая ам.доллар, дараа жил нь тэрбум ам.доллар, дараа нь 800 сая ам.доллар төлнө гээд хэмжээ нь ихсэж буурч байгаа нь санхүүгийн зах зээл дээр тогтворгүй байдал бий болгодог. Тиймээс томоохон дүнтэй өрүүдийг жигдлэх бодлого барьж ажиллаж байна.

Төсвийн тодотгол хийж байх үед монголын эдийн засаг V хэлбэртэй явна гэж хэлж байсан. Энэ үед зарим хүмүүс шүүмжлэлтэй ханддаг байсан. Одоо эдийн засаг V хэлбэртэй байх талаар санал нэгдэж эхэлсэн.

Эдийн засаг өмнөхөө бодвол сайжирч байна. Нүүрсний гаралт нэмэгдсэн. Хятадын талтай хийсэн албан ёсны яриа хэлцэлд нүүрс авахгүй гэсэн зүйл байхгүй. Хятадын Элчин сайдын ярьсныг мушгисан болов уу гэж харж байна” гэлээ.

Б.Лхам