УИХ-ын намрын ээлжит чуулган нээлтээ хийлээ.

Энэ үеэр Ерөнхийлөгч Х.Баттулга үг хэллээ. Тэрбээр "Өнөөдрийг хүртэл явж ирсэн зам, хэрэглэж ирсэн арга зам зөв зам мөн үү гэдгийг эрх баригчдаас асууж, эрс өөрчлөлт хийхийх сануулъя. Төсөвт хандах цэвдэг хандлагаа өөрчлөхгүй бол сүйрэлд авчирж мэдэхээр байна шүү. 2017 онд төсвийн зардлыг нэмэхэд хориг тавьсан ч олонхийн бүлэг хүлээн аваагүй.

Экспортын орлогүй, тусдамж зээлэнд найдсан байдалтай бид байна. Төсвийн зарлагыг алдагдалгүй баталж чадсан бол 2.5 наяд төгрөгийг улсын өр төлбөрт нэмэхгүй байх боломжтой байсан.

УИХ-ын гишүүдийн тойрогт авлига мэтээр 5-8 тэрбум төгрөг тусгаж, зураг төсөлгүй олон барилга барихаар тусгасан байсан. Энэ мэт алдаа завхрал ихтэй төсвийг зогсоох хэрэгтэй.

Өрийг өрөөр дардаг байхыг болих хэрэгтэй. 2020 оны төсвийг сонгууль угтаж хийсэн. Төсөвт тодотгол хийхийг эрдэмтэн судлаачид, олон улс нийтээрээ шаардаж байхад хүлээн аваагүй. Сонгуулийн дараа үнэнд гүйцэгдсэн. Улмаар 4.8 их наядын алдагдалтай төсөв баталсан.

Улс орноо дампууралд хөтлөх төсвийн хийрхлээ яаралтай зогсоохгүй бол иргэд тэнэглэлийн чинь золиос боллоо.

Үрэлгэн байдлыг халж, төсвийн алдагдыг бууруулах, төсвийн хэмнэлт хийж, уул уурхайн бус экспортыг нэмэгдүүлэх, эдийн засгийг тэлэх бодлогод анхаарах шаардлагатай байна.

13 аймгийн иргэдтэй уулзсан уулзалтад 500 гаруй иргэд нийгэмд, шударга ёсный тэмцэлд нэг алхам ч ухрах ёсгүй гэсэн захиасыг захилаа" гэсэн юм. 

Б.Лхам