Өнгөрсөн парламентын эмэгтэй гишүүдээс салбартаа төдийгүй иргэдийн хүндлэлийг хүлээсэн чамбай улстөрчдийн нэг бол З.Нарантуяа. Хэдий УИХ-ын ээлжит сонгуульд Завхан аймагт нэр дэвшээд унасан ч өөрийн хийж эхлүүлсэн ажлаа эргэж тойрч, санаа тавьж явна. 

Тодруулбал, Улиастай хотын гудамж төсөл, Алдархаан сумын шинэчлэл, сумдад цэцэрлэг, сургууль гээд түүний эхлүүлсэн олон ажлууд өнөөдөр ч үргэлжилсэн хэвээр байна.

Түүний тойрогтоо очих болсон шалтгаан нь өнгөрсөн УИХ-ын ээлжит бус сонгуулиар зарим төсвийн хөрөнгө оруулалтын санхүүжилтууд татагдахад Завхан аймагт хэрэгжиж байсан бүтээн байгуулалтын санхүүжилтууд зогссон явдал юм.

Завхан аймгаас сонгогдсон шинэ гишүүд анзаарахгүй өнгөрөөв үү, Нарантуяагийн ажил гээд хайхрахгүй өнгөрөөв үү? Ямартай ч төсөв нь татагдаж, дуусгах боломжгүй болсон ажлуудаа үзэж, иргэдэд мэдээлэл өгөх зорилгоор тэрээр Завханыг зорьжээ.

УИХ сонгуульд ялагдал хүлээгээд явсан гишүүд тэр бүр тойрогтоо буцаж очдоггүй бол энэ удаад тэр тойргоо орхисонгүй, Улиастай хотын гудамж, Алдархаан сумын шинэчлэл, Хар нуурын аялал жуулчлалын төсөл гээд аль нам байхаас үл харгалзан Завханыханд хэрэгтэй ажлуудаа тэрбээр нутгийнхандаа танилцуулаад буцаж ээ.