Төрийн цахим шилжилтийн хүрээнд “Цаасгүй парламент” болж буй талаар мэдээлэл хийлээ.

“XXI дүгээр зууныг цахим шилжилтийн буюу дижитал хувьсгалын зуун гэж нэрлэж байгаа. Тиймээс УИХ дахь Инновац, цахим бодлогын байнгын хороо цахим шилжилт рүү шилжүүлэхээр тодорхой ажлуудыг хийж байна.

Өдөр тутмын цаасан хэрэглээг багасгахаар програм хангамжийг хэрэглээнд нэвтрүүлэхээр хуулийн төсөл хэлэлцүүлэх, боловсруулах, хууль сурталчлах цахим системийн нээлт болж байна.

Хуулийн төслийн мэдээллийн нэгдсэн сан үүсгэнэ. Ингэснээр эрдэмтэн судлаач болон иргэдийн зүгээс санал оруулах, боловсруулалт хийх боломжтой юм. УИХ-ын Тамгын газрын дотоод йүл ажиллагааг цахимжуулан, дотоод үйл ажиллагааны нэгдсэн системийг нэвтрүүлээд байна. Ингэснээр ажилчид олон систем рүү нэвтрэх шаардлага болох бөгөөд нэгдсэн мэдээллийн сан бий болох боломжтой. Орон зай, цаг хугацаанаас үл хамааран хоорондоо шуурхай мэдээлэл солилцох боломжтой болоод байна.

УИХ-ын гишүүдийн албан хэрэгцээнд ашигладаг програмын хэрэглээг дэлгэрүүллээ. Энд цаасаар тараагддаг бүх материалыг цахимаар хүргүүлдэг болох юм. Мөн гишүүдийг хоолойгоор таньдаг болох, ярьсныг нь бүртгэлжүүлдэг систем төрийн үйлчилгээний тогтолцоо бүрдэхэд том жишиг загвар болно” гэлээ.

А.Сүх