Монгол Улс Олон улсын санхүүгийн гэмт хэрэгтэй тэмцэх байгууллага буюу ФАТФ-ын Саарал жагсаалтаас гарчээ. Энэ талаар Гадаад харилцааны сайд Н.Энхтайван цахим хуудаснаа "Саарал жагсаалтаас Монгол Улсыг гаргасан шийдвэрийг Европын холбооны Сангийн сайд нар энэ сарын 6-ны өдөр гаргав" хэмээн мэдээлэв. 

Парис хотноо өнгөрсөн оны аравдугаар сард болсон ФАТФ-ын ээлжит хурлаар дэлхийн улс орнуудын мөнгө угаах болон терроризмыг санхүүжүүлэхтэй тэмцэх тогтолцооны үр дүнтэй байдлын талаар хэлэлцэж, улмаар манай улсыг мөнгө угаах болон терроризмыг санхүүжүүлэх эрсдэлтэй хэвээр байна гэж дүгнэж, “саарал жагсаалт”-д багтаагаад байсан юм. Тиймээс өнгөрсөн хугацаанд "Саарал жагсаалт"-аас гарах ФАТФ-ын зөвлөмжийг хэрэгжүүлэх үүргийг манай улс хүлээгээд байсан юм.

Улмаар ФАТФ-ын тавьсан зөвлөмж шаардлагыг манай улс хангасан гэж үзээд "ФАТФ-ын газар дээрх хяналт, шалгалтыг өнгөрсөн долоо хоногт явуулсан. Тодруулбал АНУ, ИБУИНХУ, ОХУ, БНХАУ-ын төлөөлөл бүхий шинжээчдийн баг Монгол Улсын мөнгө угаах болон терроризмыг санхүүжүүлэх эрсдлийг хянаж, шалгаад буцсан юм.

Шалгалтын баг төрийн 18 байгууллага, 19 ААН, 4 мэргэжлийн холбоо, хувиараа бизнес эрхлэгчдийн төлөөллийн 140 гаруй хүнтэй уулзаж, хийсэн ажлаа амжилттай хамгаалж, тайлбарласан талаар Сангийн сайд Ч.Хүрэлбаатар мэдэгдсэн. 

Саарал жагсаалтаас гарах эсэхийг энэ сарын сүүлээр шийднэ хэмээгээд байсан билээ.  Тэгвэл өчигдөр Монгол Улсыг "Саарал жагсаалтаас гаргах шийдвэр гарсан байна. Энэ талаар Гадаад харилцааны сайд Н.Энхтайван цахим хуудаснаа "Саарал жагсаалтаас Монгол Улсыг гаргасан шийдвэрийг Европын холбооны Сангийн сайд нар аравдугаар сарын 6-нд гаргав" хэмээн мэдээлэв. 

Ч.Хүрэлбаатар "Монгол Улс "Саарал жагсаалт"-аас хараахан гараагүй байна

Харин дөнгөж сая Сангийн сайд Ч.Хүрэлбаатар "Монгол Улс "Саарал жагсаалт"-аас хараахан гараагүй байна. ФАТФ-ын салбар 2 хуралдаан энэ сарын сүүлээр Парист болохоор товлогдсон бөгөөд тэдгээр хурлаар эцэслэн шийдэгдэх юм" гэдгийг хэллээ. 

ГХЯ: Монгол Улс ФАТФ-ын саарал жагсаалтаас бус ЕХ-ны хар жагсаалтаас гарчээ

Угтаа Гадаад харилцааны сайд Н.Энхтайван “Татварын сайн засаглалын зарчмуудыг хэрэгжүүлэхэд Европын холбоотой хамтран ажиллах шаардлагатай улсуудын жагсаалт” буюу Европыг холбооны саарал жагсаалтаас Монгол Улсыг гаргасан шийдвэрийг Европын холбооны Сангийн сайд нар энэ сарын зургаанд гаргасан" гэдгийг мэдээлсэн байна. Гэтэл Гадаад харилцааны сайдын энэхүү мэдээлэл ФАТФ-ын саарал жагсаалт гэж ойлголт төрүүлсэн учир тус яамнаас залруулга гаргасан байна. 

Б.Батчимэг