Сангийн сайд Ч.Хүрэлбаатараас зарим асуудлаар тодрууллаа.

-Ипотекийн зээлийн төлөлтөө хойшлуулагүй иргэдийг зээлийн хүүг нь хоёр хувиар бууруулах асуудал хөндөгдөж байсан. Энэ ирэх оны төсөвт тусгагдсан байгаа вэ?

-Эцэслэгдээгүй байгаа. Ажлын хэсгүүд саналаа боловсруулаад явж байгаа.

-2020 оны төсвийн хөрөнгө оруулалтын зардлыг өндөр тавьсан. Ирэх оны төсвийн төсөлд мөн ахиу тавьсан байна гэсэн шүүмжлэл байна?

-Эдийн засгийн онол гэж байдаг. Эдийн засгийг мөнгөний болон төсвийн бодлого удирддаг. Энэ хоёр бодлогоор улс орныхоо эдийн засгийг зохицуулж явдаг учиртай. Эдийн засаг агшаад эхэлсэн энэ үед хөрөнгө оруулалтын зардлаа танавал эдийн засаг борц болдог. Үүний горыг иргэд, аж ахуйн нэгжүүд үүрдэг учраас эдийн засгийг тэлэх бодлогыг үргэлжлүүлэх ёстой.

-Ирэх онд хэчнээн төгрөгийн орлого олно гэж тооцож байгаа юм бэ?

-Орлогоо 2.4 их наяд төгөрөөр нэмэхээр оруулж ирсэн. Ингэхдээ татвар хураалтаа нэмэгдүүлэх замаар нэмэгдүүлнэ гэж үзэж байгаа.

-Монгол Улс “Саарал жагсаалт”-аас гарсан гэсэн мэдээлэл яваад байна. Үнэн юм уу?

-Монгол Улс “Саарал жагсаалт”-аас гараагүй байна.

Б.Лхам