Аймаг, нийслэл, сум дүүргийн иргэдийн төлөөлөгчдийн хурлын сонгуульд энэ сарын 15-ны өдөр болно. Энэ удаагийн сонгуульд нам эвсэлүүд өөр өөрийн онцлог, өнгө төрхтэйгөөр оролцож байна. МАН залуу боловсон хүчнээ түлхүү сойж байгаагийн нэг нь Сүхбаатар дүүргийн нэгдүгээр хороонд МАН-аас дүүргийн ИТХ-д нэр дэвшигч Ж.Түвшинжаргал. Түүний талаар хэн юу хэлсэнийг хүргэж байна.

Сангийн дэд сайд асан УИХ-ын гишүүн Х.Булгантуяа: БИД ЧАДВАРЛАГ ЗАЛУУСЫНХАА “ТОЛГОЙ”-Г АШИГЛАХ ХЭРЭГТЭЙ

Ж.Түвшинжаргалыг би зорьсноо ажил хэрэг болгож чадах залуу гэж хардаг. Мэдлэг чадвартайн зэрэгцээ аливаа асуудлын гарц шийдлийг олохын тулд уйгагүй ажилладаг, үргэлж сурч мэдэхийн төлөө явдаг зан чанарыг нь онцолмоор байна. Бид улс эх орныхоо хөгжлийн төлөө залуусынхаа “толгой”-г ашиглах хэрэгтэй. Нөгөөтэйгүүр Ж.Түвшинжаргал нэр дэвшиж байгаа тойрогт нь ямар асуудал бэрхшээл байгааг, хэрхэн шийдвэрлэхийг бусдаас илүү мэднэ.

Монголын оюун ухааны академийн захирал Х.ХАТАНБААТАР: ЯПОН РУУ ОЮУНЫ ЭКСПОРТ ХИЙХ ЗАМЫГ НЭЭХЭД ТОМООХОН ХУВЬ НЭМЭР ОРУУЛСАН

Залуу хүн нийгмийнхээ хөгжилд гар бие оролцон, бусдыг харалгүй өөрөө санаачлан ажиллах ёстойг ажил үйлдлээрээ харуулж яваа залуу. Сэтгэл байхад шийдэл олддогийг Түвшинжаргал  үлгэрлэн харуулдаг. Мөн залуусын хөгжилд дорвитой хувь нэмэр оруулж, гадаад зах зээлд хөл тавихад нь тусалж дэмжин гүүр нь болж өгдөг. Япон руу оюуны экспорт хийх замыг нээхэд томоохон хувь нэмэр оруулсан залуу гэж би түүнийг үнэлдэг.

МОНГОЛ УЛСЫН ДУУРЬ БҮЖГИЙН ЭРДМИЙН ТЕАТРЫН ГОЦЛОЛ ДУУЧИН, МУСТА  Ө.ЦЭРЭНЧУНТ:  АЛИВААД ЧИН СЭТГЭЛЭЭСЭЭ ХАНДАЖ ЧАДДАГ ХҮН

Монголын төрд өнөөдөр сэтгэлтэй хүн л хэрэгтэй байна. Аливаад чин сэтгэлээсээ хандаж чаддаг хүн ачаалал дааж, хариуцлага үүрч сурсан байдаг. Арлын Японд олон орны мэргэжил нэгт залуустай мөр зэрэгцэн ажиллаж амьдарч байхдаа эх орныхоо нэр төрийг өндөр өргөж явсан залуу. Урлаг соёлыг хүндэтгэн ойлгодог, бусдад өөрийн сурч мэдсэнээрээ үргэлж тус дэм болж явааг нь сайн мэдэх хүний хувьд би Ж.Түвшинжаргалыг дэмжиж байна.

Э.Ургамал