ШИНЭ намаас цаг үеийн асуудлаар мэдээлэл хийлээ.

ШИНЭН-ын дарга Ж.Батзандан “Орон нутгийн сонгуультай холбоотойгоор таван аймаг, есөн дүүрэгт ажиллаад ирлээ. Аймаг, дүүргүүдэд гарч байгаа гол асуудал нь сонгуулийн хороод, ажиглагчдыг оролцуулахгүйгээр хар машины хяналтыг хийж байгаа гомдлууд юм. Зарим аймагт хар машин буруу тоолж байгаа асуудлаар СЕХ, Тагнуулын ерөнхий газарт мэдэгдээд байна.

Тухайлбал, Дорноговь аймагт хар машин буруу тоолж байна.

Ингэхдээ сөрөг намд өгсөн саналыг эрх баригч нам руу хар машин шууд гүйлгэж уншиж байна. Энэ талаар сөрөг хүчний нам, монголын дөрөв дэх том хүчний хувьд байр сууриа илэрхийлж байна.

УИХ-ын сонгуулийн луйвар давтагдаж магадгүй байна. Гэтэл ТЕГ-ын дарга нар нүдэн балай, чих нь дүлий байсаар байна.

Баянгол дүүрэгт Галиндив,  Дарханд Т.Ганболд зэрэг олон арван нэр дэвшигчдийг таслал оруулж луйвардсаныг ажиглаж байгаа. Мөн шалгаж байгаа шүү. Хар машинд хасах үйлдэл байхгүй гэдгийг Канадын хар машин үйлдвэрлэдэг компани хэлж байна.

УИХ-ын сонгуулиар Ж.Батзандангаас 10 мянган санал, Л.Болдоос 5000 санал хассаныг бид телевизийн бичлэгээр анхааралтай ажигласан.

Хар машины луйвраа эрх баригч нам орон нутгийн сонгуульд үргэлжлүүлэх бодолтой байгаа нь уржигдар задарсан бичлэгээс харагдаж байна. Булхай, луйвраар төрийн эрхийг авах санаархлаа эрх баричг нам, ТЕГ, СЕХ-оос хүсэж байна. СЕХ орон нутгийн сонгуулийн явцыг телевтзээр үзүүлэхгүй талаар мэдэгдэл хийлээ. Техникийн боломж байхгүй гэж худал хэлж байна. УИХ-ын сонгуулийг харуулаад орон нутгийн сонгуулийг болдоггүй юм гэнэ. Би үүнд итгэхгүй байна.

Ядаж аймаг, дүүргийн сонгуулийн дүнг телевизээр шууд дамжуулах нь зүйтэй байх. Эрх баригч нам энэ талар анхаарах хэрэгтэй” гэлээ. 

А.Сүх