Сангийн сайд Ч.Хүрэлбаатар “Саарал жагсаалт”-тай холбоотой асуудлаар мэдээлэл өглөө.

Тэрбээр “Монгол Улсад ирж ажилласан үнэлгээний хэсгүүд тухайлбал, АНУ-ын Сангийн яам Монгол Улсыг “Саарал жагсаалт”-аас гаргах саналаа илэрхийлсэн. Үүний дараа Английн Сангийн яам, БНХАУ-ын Төв банк мөн уг саналыг илэрхийлээд байна. Дараа нь энэ саналыг эсэргүүцэх орон байгаа эсэх санал авахад нэг ч улс эсэргүүцээгүй. Хяналтыг бүлгийн хурал дээр Монгол Улсыг “Саарал жагсаалт”-аас гаргахыг 100 хувь дэмжсэн. Одоо ирэх 21-23-ны өдөр болох нэгдсэн хуралдаанаар баталгаажих ажил үлдээд байна.

ФАТФ-ын нэгдсэн хуралдаанд гишүүн орнууд нь оролцоно. Бид оролцохгүй. Сая гаргасан шийдвэрээ бататгах болов уу гэж хүлээж байна.

Манай улсыг тавигдсан бүх шаардлагыг хангасан гэж үзсэн. Хууль эрх зүйн орчноо өөрчилсөн байна. Тавигдсан шаардлагуудыг өөрчлөх талаар ахицтай ажилласан байна зэргээр дүгнэсэн. Монголоос аж ахуйн нэгж, иргэд гадаад руу гүйлгээ хийхэд өндөр үнэтэй шимтгэл авч байсан. Хэрэв Монгол Улсыг “Саарал жагсаалт”-аас гаргасан талаар мэдэгдчихвэл гаднын гүйлгээ хэвийн болох байх" гэлээ. 

Б.Лхам