Засгийн газрын өнгөрөгч есдүгээр сарын 16-ны өдрийн хуралдаанаар Зорчих эрхийг хязгаарлах ялыг хэрэгжүүлэхээр болж, 2021 оны нэгдүгээр сараас мөрдүүлэхээр тогтсон юм.

Энэхүү хуулиар анх удаа хөнгөн гэмт хэрэг үйлдсэн, санамсар болгоомжгүйгээсээ бусдад хөнгөн, хүндэвтэр гэмтэл учруулсан, зам тээврийн осол гаргасан болон гэр бүлийн хүчирхийлэл үйлдсэн этгээдэд дээрх ялыг онооно гэлээ. Энэ төрлийн ялыг  хэрэгжүүлж эхэлснээр хөнгөн ялаар шийтгүүлсэн иргэдийн зорчих эрхийг тус хэрэгслийн тусламжтайгаар хязгаарлаж,  хяналт тавихын сацуу тэдэнд нийгэмших, гэр бүлтэйгээ байх боломжийг нь олгоно гэдгийг Хууль зүй, дотоод хэргийн сайд Х.Нямбаатар тодотгож байсан билээ.

УИХ-д өргөн бариад буй 2021 оны улсын төсвийн тухай хуулийн хавсралтад хорихоос өөр төрлийн ял эдлэх, гэрийн хорионд байгаа иргэдийн цахим бугуйвч, программ хангамж, тоног төхөөрөмжид 6,5 тэрбумыг төсөвлөжээ.

Энэхүү гав нь кодоор лацадсан учир таслах, тайлах боломжгүй. Мөн камергүй ба байршил тогтоох, цэнэгийн хэмжээг дамжуулах гэсэн хоёр төрлийн мэдээллийг өгдөг байна. Цахилгаан гавыг  БНХАУ-аас хамгийн хямд өртгөөр худалдан авахаар болж, тэд ч үнийн саналаа ирүүлсэн байна.

У.Тэргэл