УИХ-ын нэгдсэн чуулганаар 2021 оны төсвийг хэлэлцэж байна. Энэ үеэр гишүүд үг хэлж, асуулт асуулаа.

М.Оюунчимэг: Иргэд халамж хэтэрлээ. Ажилтай л болгоод өгөөч гэж хэлсэн. МСҮТ-д 45 нас хүртэл суралцвал 200 мянган төгрөгийн тэтгэмж авдаг юм байна. Гэтэл энэ наснаас давсан хүмүүс дахин сураад ажиллая гэхээр тийм боломж байхгүй байна. Нас заагаад өгсөн нь ажлын байрыг хумихад нөлөөлж байна. МСҮТ-ийг өөрчдийг нь санхүүгийн эх үүсвэрээ өөрсдөө олдог боломжийг гаргаж өгөх ёстой. 45, 46 нас гэдэг ид ажил хийдэг нас. Эрэлт хэрэгцээт мэргэжлээр суралцах чадвартай эдгээр иргэдийг анхаарч төсөв дээрээ анхаараач.

Мөн ипотекийн зургаан хувийн зээлд гэр хороолын иргэдийг түлхүү хамруулахыг хүсэж байна.

ХНХ-ын сайд А.Ариунзаяа “200 мянган тэтгэлгийг олгох эхэн үедээ насны хязгааргүй олгож байсан. Мөнгөн дүнгээр дэмжлэг үзүүлээд ямар нэгэн хяналтгүй байсан учраас 60, 70 настай иргэд тэтгэлэг авах асуудал гарч байсан учраас төр энэ талаар эргэж харах шаардлага гарсан. Орон нутгийн иргэд 200 мянган төгрөг олгоод байх нь зөв зохицуулалт биш байна. Харин ажлын байртай нь уялдуулж өгөөч гэсэн санал гарсан. Өргөн барьсан төсвийн хувьд МСҮТ-ийн 36.4 мянган сурагчид 72.8 тэрбум төгрөг олгохоор суугдсан байна.

Б.Лхам