Нийслэлд МАН үнэмлэхүй ялалт байгууллаа. Тиймдээ ч өчигдөр шөнөөс эхлэн нийслэлийн МАН-ын хороон дээр намын томчууд цуглаж, цаг алдахгүйгээр томилгоонуудаа ярьж эхэлсэн байна.

Нийслэлийн Засаг дарга бөгөөд Улаанбаатар хотын Захирагчийн сунгаанд эхний байдлаар Н.Алтаншагай, Ж.Алдаржавхлан, Р.Дагва, М.Халиунбат, Ж.Батбаясгалан нарын нэрс яригдаж эхэлсэн байна.

Гэвч гол шийдвэрийг нийслэлийн МАН-ын дарга Д.Сумъяабазар гаргана. Дээрх эрхмүүдээс Ж.Алдаржавхлан, Р.Дагва, Ж.Батбаясгалан нар нийслэл, дүүрэг удирдаж байсан туршлагатай ч шинэ залуу хүнээр хүч сэлбэх нь зүйтэй гэсэн санал давамгайлж байгаа сурагтай.

Тиймдээ ч дээрх эрхмүүдээс нийслэлийн МАН-ын хорооны дэд дарга Н.Алтаншагай хамгийн магадлалтай гэдгийг эх сурвалжууд хэлж байна.

У.Тэргэл