МАН-ын Ерөнхий нарийн бичгийн дарга Д.Амарбаясгалан орон нутагт намдаа ялалт авчирч чадаагүй албан тушаалтнуудад хариуцлага тооцох тухай асуудлыг хөндөж байсан.

Энэ ч үүднээсээ тэрбээр сонгогчдын дэмжлэг авч чадаагүй найман аймаг, нэг дүүрэг, 140 гаруй сумын иргэдийн итгэлийг авч чадаагүй удирдлагуудад хариуцлага тооцохоо мэдэгджээ. Тэрбээр “Өмнөх сонгуулиар МАН 20 аймагт ялалт байгуулсан. Харин энэ удаад наймаг аймагт ялагдал хүлээлээ.

Энэ нь нэгдүгээрт, өнгөрсөн дөрвөн жилийн хугацаанд тухайн аймаг, орон нутгийг удирдсан удирдлагуудад иргэд дүнгээ тавьсан хэрэг. Хоёрдугаарт, Увс, Хөвсгөл, Архангай  аймагт МАН-д харьяалагдаж байсан зарим хүн бие даан өрсөлдөж намынхаа саналыг хуваасантай холбоотой.

Мөн орон нутгийн намын түвшинд дотооддоо эв нэгдлээ хангаж чадаагүй” гэж дүгнэжээ. Иймд Намын дүрмийн дагуу аймаг, орон нутагт ялагдал хүлээсэн удирдлагууд нь хариуцлагаа хүлээж, 30 хоногийн дотор огцрох юм байна.

У.Тэргэл