Нийслэлийн МАН-ын Удирдах зөвлөлийн V дугаар хурал хуралдаж хотын даргад УИХ-ын гишүүн Д.Сумъяабазарыг томилохыг дэмжээд буй. 

Аймаг, нийслэл, сум, дүүргийн Засаг даргыг тухайн Хурал дахь нам, эвслийн бүлэг, эсхүл Хурлын төлөөлөгч тус тус нэр дэвшүүлэх эрхтэй бөгөөд уг Хурлын хуралдаанд оролцсон иргэд, төлөөлөгчдийн олонхийн буюу 50-иас дээш хувийн санал авсан нэр дэвшигчийг Ерөнхий сайдад өргөн мэдүүлнэ.

Хэрэв нэр дэвшигчийг Ерөнхий сайд томилохоос татгалзвал Иргэдийн хурал дахин 15 хоногийн дотор хуралдаж, дараагийн нэр дэвшигчийг тодруулж, тогтоол гаргана.

НИТХ-ын тогтоолыг хүлээн авсан Ерөнхий сайд тав хоногийн дотор багтаан томилдог. Ийм хуулийн процедураар хотын даргыг томилдог. 

Түүнийг Д.Сумъяабазарыг хотын даргаар дэмжсэнтэй холбогдуулан Сонгинохайрхан дүүргийн 28 дугаар тойрогт нөхөн сонгууль явуулахаар болсон талаар МАН-ын бүлгийн дарга Д.Тогтохсүрэн мэдээллээ.

Хэрэв МАН-ын энэ санал дэмжигдээд Д.Сумъяабазар хотын дарга болвол Монгол Улсын Их Хурлын Сонгуулийн тухай хуулийн 9.9-д зааснаар Улсын Их Хурал нөхөн сонгуулийг санал авах өдрийн хамт санал авах өдрөөс 70-аас доошгүй хоногийн өмнө нөхөн сонгууль явуулах нөхцөл байдал үүссэнээс хойш 50 хоногийн дотор энэ хуульд нийцүүлэн товлон зарлана. 

Мөн 9.10-т зааснаар Сонгуулийн үйл ажиллагааг зохион байгуулах цаг хугацааны хуваарийг Сонгуулийн ерөнхий хороо батална. 

А.Сүх