МАН-ын Удирдах зөвлөлийн өнөөдрийн хурлаар дөрвөн аймгийн ИТХ-ын дарга болон Засаг даргад нэр дэвшүүлэх асуудлыг хэлэлцлээ.
Энэ талаар МАН-ын ерөнхий нарийн бичгийн дарга Д.Амарбаясгалан “Аймаг болон нийслэлд манай нам дүрмээ барьж ажиллаж байна. Учир нь, УИХ-ын сонгуульд ялалт байгуулсан тохиолдолд намын дарга Ерөнхий сайд байна гэсэн байдаг. Энэ дүрэм анхан болон дунд шат руугаа ижил тэгш хэрэгжинэ. Энэ үүднээс аймгийн засаг дарга, их хурлын дарга нарыг сонгож байгаа. Ялалт байгуулсан орон нутгийн намын хорооны дарга нар удирдах зөвлөл рүү дарга болох хүнийхээ нэрийг явуулдаг. Энэхүү дүрмийн хүрээнд аймаг нийслэлээс ирсэн саналыг хэлэлцэж,баталдаг” гэлээ.
Энэ дагуу өнөөдрийн Удирдах зөвлөлийн хурлаар Сэлэнгэ аймгийн Засаг даргаар Ш.Оргилыг улиран ажиллуулахаар, харин Дархан-Уул аймгийн Засаг даргад Б.Азжаргал, Хэнтий аймгийн Засаг даргад Ц.Идэрбат, Баянхонгор аймгийн Засаг даргад Д.Мөнхсайханыг тус тус нэрийг нь дэвшүүлэн баталжээ.
У.Тэргэл
Сэтгэгдэл (2)