АН-ын бүлэг хуралдаж, тэтгэврийн доод хэмжээг 500 мянгад хүргэх хуулийн төсөл өргөн барих тухай мэдээлсэн. Энэ үеэр татвар төлөгчийн мөнгийг үр ашигтай зарцуулж байгаа болон АН-ын бүлэг эрх баригч намыг шахаж ажиллар талаар бүлгийн дарга Д.Ганбат онцолсон юм.

Тэрбээр "Хүнсний талон олгодгоо болих хэрэгтэй. Ямар картын бараа биш. Мөн олон шаардлагагүй улсын болон төрийн аж ахуйн нэгж үүссэн. Төрд олон хүн ажиллаж байна. Төр ачааллаа даахаа болилоо. Хамгийн сүүлд гэхэд фитнесийнхээ мөнгийг хүртэл татвар төлөгчийн мөнгөөр төлүүлсэн асуудал гарсан байна.

Суурьшлын бүсэд сургууль цэцэрлэг байгуулаад түгжээд орхисон зэрэг олон зүйл байна.

Манжууд яаж явсан шиг тийм байдал руу монгол орныг түлхэж байгаад харамсаж байна. Баялаг бүтээдэг улс баймаар байна. Үүнийг АН шахаж ажиллана. Иргэд бидний талд байх болов уу гэж бодож байна" гэсэн юм. Мөн энэ үеэр тэрбээр эрх баригч намын хэд хэдэн гишүүнийг эгүүлэн татагдахаар яригдаж байгаа гэлээ.

А.Сүх