Гадаадын иргэд харьяатын газрын даргаар арав орчим жил ажилласан хурандаа Д.Мөрөн өнгөрсөн наймдугаар сард албан тушаал буурч, байгууллагынхаа дэд дарга болсон. ЦЕГ-ын даргаас эхлээд энэ салбартаа дээд албан тушаал хашиж ирсэн түүнийг сэнтийтэйгээ зууралдаад үлдсэнд олон хүн гайхширсан.

Харин түүний даргаар ажиллаж байх үед ГИХГ-т энэ мэт явдал газар авч, эхнээсээ хууль хяналтынхны хараанд өртөөд байна.

Тодруулбал, тус газарт ажиллаж байгаад 2018 онд чөлөөлсөн Төмөрхуяг, одоо ажиллаж буй Баасанжав нар гадаадын иргэд болоод тэднийг уригч байгууллагуудаас “виз гаргана”, “албадан гаргахаас чөлөөлж өгнө” зэргээр авлига нэхсэн гэх мэдээлэл байна. Тиймээс Гадаадын иргэн харьяатын газраас сэрэмжлүүлэг гаргаж, тус газрын ажилтнуудын энэ мэт хууль бус үйлдэлтэй холбоотой мэдээллийг 70133444 утсанд мэдэгдэхийг анхаарууллаа.

Шинээр томилогдсон дарга, хурандаа Н.Ууганбаяр ажлаа авснаасаа хойш дотоодын хяналт шалгалтаараа энэ мэт хууль бус олон үйлдлийг илрүүлсэн ба цаашид ч үргэлжлүүлэн шалгахаар болсон байна.

У.Тэргэл