Орон нутгийн 2020 оны ээлжит сонгуулийн үр дүнгээр байгуулагдсан аймгийн иргэдийн Төлөөлөгчдийн Хурал бүрэн эрхийн хүрээнд анхдугаар хуралдаанаа явуулж Засаг даргаа сонгож байна.

Тодруулбал, Өвөрхангай аймгийн Засаг даргад А.Ишдорж, О.Сумъяасүрэн нар нэр дэвшин өрсөлджээ.

Төлөөлөгчдийн 51.2 хувийн саналаар О.Сумъяасүрэн ялалт байгуулсан байна.

Түүнийг Засаг даргад томилуулахаар Ерөнхий сайдад өнөөдөр өргөн мэдүүлэх аж. Засаг даргад нэр дэвшин өрсөлдөж ялалт байгуулсан О.Сумъяасүрэн гэж хэн бэ.

Тэрбээр 1987 онд Баянгол сумын ЕБС-ийн сургуульд элсэн орж 1997 онд төгссөн. Улмаар 1997 онд ХААИС-ийн Эдийн засагч, менежерийн ангид элсэн суралцаж 2001 онд “улаан диплом”-той төгссөн. 2007 онд Удирдлагийн академийн сургуулийг Бизнесийн удирдлагын менежер мэргэжлээр, 2011 онд Газарчин дээд сургуулийг “Бизнесийн удирдлагын магистраар дүүргэжээ.

Өвөрхангай аймгийн ЗДТГ-ын мэргэжилтэн, Хүнс хөдөө аж ахуй, Байгаль орчны бодлогын хэлтсийн дарга, Санхүү Эдийн засгийн бодлого зохицуулалтын хэлтсийн ерөнхий эдийн засагч, “Жигүүр Оргил” ХХК-ийн захирал, аймгийн Мэргэжлийн хяналтын газрын дарга, “Жигүүр Оргил” ХХК-ийн захирал, 2016 оноос Өвөрхангай аймгийн "Баянтээг" ХХК-ийн захирлаар томилогдон ажиллаж байна.

А.Сүх