Нийслэлийн Засаг дарга бөгөөд Улаанбаатар хотын Захирагч Д.Сумъяабазарын орлогчоор Ж.Сандагсүрэн, Н.Баярчимэг нарыг томилохоор болжээ. Хотын даргын итгэлийг хүлээсэн Ж.Сандагсүрэн, Н.Баярчимэг гэж хэн бэ. 

Д.Сумъяабазарын итгэл хүн Ж.Сандагсүрэн

Ж.Сандагсүрэн нь Д.Сумъяабазарыг УИХ-ын гишүүн байхад зөвлөхөөр нь ажиллаж байсан нэгэн юм. 1978 онд төрсөн, Улаанбаатар хотын уугуул, Эхнэр 2 хүүхдийн хамт амьдардаг. Эдийн засаг мэргэжилтэй, математик загварчлал бакалавр, Бизнесийн Удирдлагын магистр. 

Боловсрол: 

1986-1996 онд Нийслэлийн 73 дугаар дунд сургууль

1997-2001 онд МУИС-ХҮДС-ийг Эдийн засаг, Математик загварчлалын мэргэжлээр бакалавр зэрэг

2003-2005 онд Санхүү эдийн засгийн дээд сургуулийг Бизнесийн удирдлагын магистр зэрэг

2002 онд Удирдлагын академийн Төрийн удирдлагын мэргэшүүлэх сургалт

Ажлын туршлага: 

2001-2004 СХД-ийн ИТХ-ийн Нарийн бичгийн дарга, Ажлын албаны дарга,

2005-2013 онд “Очир-Ундраа” группын Захирлын зөвлөлийн гишүүн, газрын захирал

2012 оноос Сонгинохайрхан дүүргийн ИТХ-ын Төлөөлөгч

2013-2016 Монгол Улсын Их хурлын гишүүний зөвлөх

2016 оны 8 сараас СХД-ийн Засаг дарга

Хотын орлогчоор ажиллах Н.Баярчимэг гэж хэн бэ 

Хотын орлогчоор ажиллахаар болсон Н.Баярчимэг нь 1980 онд Дорноговь аймагт төржээ. “Эрдэнэс тавантолгой майнинг” ХХК-д дэд захирлаар ажиллаж байсан тэрбээр хуульч мэргэжилтэй нэгэн аж. 

Боловсрол:

• 1988-1998 онд нийслэлийн Хүмүүн цогцолбор сургууль/БҮРЭН ДУНД/
• 1998-2003 онд МУИС-ийн Хууль зүйн сургуулийг Эрх зүйч/БАКАЛАВР/
• 2008-2010 онд Пэсифик Стэйтс их сургуулийг Олон улсын бизнесийн удирдлага/МАГИСТР/
• 2018-2020 онд МУИС-ийн Хууль зүйн сургуулийг Хууль зүйн ухааны магистр

Ажлыг туршлага:

• 2002-2003 онд “Розенблат Ассосэйтс” Канадын цагаачлалын хуулийн фирмийн Монгол дахь төлөөлөгчийн газарт Эрх зүйн зохицуулалт хариуцсан захирал
• 2003-2006 онд “Мобиком корпораци”-ийн Зуунмод дахь салбарт мэргэжилтэн, салбарын захирал
• 2011 онд “Моннис интернэйшнл” ХХК-д хуулийн мэргэжилтэн
• 2011-2016 онд “Үндэсний хөрөнгө оруулалтын банк” ХХК-д хуульч, ахлах хуульч, хэлтсийн дарга
• 2016-2017 онд Үндэсний хөгжлийн газарт мэргэжилтэн, хэлтсийн дарга
• 2017 онд Уул уурхай, хүнд үйлдвэрийн яаманд мэргэжилтэн, хуулийн хэлтсийн дарга
• 2018-2019 онд “Эрдэнэс тавантолгой” ХК-д дэд захирал
• 2019-2020 онд “Эрдэнэс тавантолгой майнинг” ХХК-д дэд захирал
• 2020 онд Сонгинохайрхан дүүргийн ЗДТГ-т Засаг даргын орлогч

Б.Баатар