УИХ-ын өнөөдрийн ээлжит чуулганаар Монгол Улсын Засгийн газар- Европын холбоо хоорондын Европын хөгжлийн сан болон Европын холбооны нэгдсэн төсвөөс санжүүжих Монгол Улсын татварын болон гаалийн зохицуулалтын ерөнхий хэлэлцээрийг соёрхон батлах тухай хуулийн төслийг хэлэлцэж байна.

С.Бямбацогт: Европын холбооноос Монгол Улсад буцалтгүй тусламж болон хөнгөлөлттэй зээлээр хэрэгжих төслүүдийн НӨАТ болон Гаалийн албан татварын чөлөөлөх асуудлыг ярих гэж байх шиг байна. Өнөөдрийн байдлаар Европын холбооноос Монгол Улсад ямар ямар төсөл, үр дүнтэй хэрэгжиж байна вэ. Хэд нь буцалтгүй тусламж, хэд нь зээл юм бэ.

Хоёрдугаарт, Монгол Улс Европын холбоотой гэрээ байгуулаад 7200 гаруй нэр төрлийн татваргүй 10 гаруй жил болж байна.

Монгол Улсад үйлдвэрлэсэн бүтээгдэхүүнийг Европын холбооны улсуудад нийлүүлж, борлуулахад ямар нэгэн татвар авахгүй гэсэн хөнгөлөлтийг бид эдэлж байгаа.

Энэ хөнгөлөлтөө өнгөрсөн хугацаанд хэр эдэлсэн бэ. Хагалттай гэж харагдахгүй байгаа юм. Шинэ Засгийн газар дөрвөн жилийн хугацаанд үйл ажиллагаа явуулна. Дээрх боломжийг монголын бизнес эрхлэгчдэдээ бий болгомоор байна. Онцгойлон анхаарсан бодлого хэрэгтэй байна.

Ч.Хүрэлбаатар: 1993-2006 онд нийт 70 гаруй сая еврогийн буцалтгүй тусламжийн төсөл авч байсан байна. 2007-2011 онд Тогтвортой амьжиргаа төслийн хоёрдугаарт үе шатыг Дэлхийн банктай хамтарч санхүүжүүлэхэд 14 сая еврогийн тусламж авсан. 2009 онд 2 сая еврог өвлийн зулын гамшгийн үр нөлөөг бууруулахад 2011-2015 онд 15 сая еврогийн төсөл хэрэгжүүлсэн байна. Үүнээс 7 сая еврог мэргэжлийн боловсролын тогтолцоог боловсронгуй болгоход зориулсан.

2015-2020 онд 52 сая еврогийн буцалтгүй тусламжаар 27 техникийн туслалцааг үзүүлж байна.

Үүнд боловсрол, хөдөө аж ахуй, ажил эрхлэлтийг дэмжих, иргэний нийгмийг хөгжүүлэхэд зарцуулсан. Евродын холбоо нь НҮБ-ын системийн байгууллага болон төрийн бус байгууллагад шууд санхүүжилт өгөх байдлаар төслүүдийг хэрэгжүүлдэг. 1992 оноос хойш Европын холбооноос зээлийн санхүүжилтээр нэг ч төсөл тусгаагүй.

Мөн 2020-2023 онд 50.8 сая еврог дөрөв хувааж олгоно. Хэлэлцээр байгуулагдсанаар 16 сая еврог энэ оны дөрөвдүгээр улиралд авна.

А.Сүх