УИХ дахь МАН-ын бүлгээс цаг үеийн мэдээлэл хийлээ.

МАН-ын бүлгийн дарга, УИХ-ын гишүүн Д.Тогтохсүрэн “Бүлгийн хурлаар 2021 оны төсвийн төслийн талаар хэлэлцсэн. Бүлэг нэгдүгээр хэлэлцүүлгийн өмнө мөн энэ асуудлыг хэлэлцсэн. Ингээд УИХ-ын даргын захирамжаар 2, 3, 4 дүгээр хэсэгт бэлтгэх үүрэг бүхий ажлын хэсэг гаран ажиллаж банйа. Ажлын хэсгийн Төсвийн байнгын хороон дарга Б.Жавхлан гишүүн ахлан ажиллаж байна. Өнөөдөр ажлын хэсгийн бэлтгэсэн саналуудтай танилцлаа” гэв.

Ажлын хэсгийн ахлагч, УИХ-ын гишүүн Б.Жавхлан “Төсвийн байгын хороо сая амралтаар ачаалалтай ажиллалаа. Ковид-ын үеийн эдийн засаг, нөгөөтээгүүр, Үндсэн хуулийн нэмэлт, өөрчлөлтийн хүрээнд хийх анхны төсөв. Нарийн заалт, сахилга батттай хэлэцэх төсөв юм. Засгийн газраас өргөн баригдсан төсвийн хувьд өөдрөг төсөөлөлтэй өргөн баригдсан байсан.

2019 оны төсвийн гүйцэтгэлээр төсвийн орлого 12 их наяд байсан. 2020 оны тодотголын дараа 10.7 их наяд болж буурч байсан.

2021 оны алдагдлыг 13.1 буюу энэ жилийнхээс даруй 2.4 их наядаар өндөр төлөвлөсөн. Үүнээс анхаарах нь ТӨҮГ-ууд нийлээд төсөвт оруулж байгаа мөнгө нь хангалтгүй байна. Тиймээс Засгийн газар ойрын хугацаанд бүтцийн өөрчлөлт хийж, реформ хийнэ.

Хэл ам их, үр ашигүй газруудыг цааш авч явах шаардлага байна уу, үгүй юу. Засгийн газар энэ асуудлыг анхаарч авч үзэх шаардлагатай гэж үзэж байна.

Урсгал зардал тал дээр нэлээд хэмнэлт хийсэн. Тэвчиж болох хөрөнгө оруулалт, хэмнэж болох урсгал зардал юу байгаа тал дээр ажиллалаа.

Урьдчилсан байдлаар урсгал, зардал, хөрөнгө оруулалт нийлээд 60-70 тэрбум төгрөгийг хэмнэж болно гэж тооцож байна. Маргааш байнгын хороон дараа энэ тоо эцэслэгдэнэ. Тодруулбал, 1.3 их наядын халамжийн зардал байгаа. Үүнээс 860 тэрбум нь хүүхдийн мөнгө, үлдсэн 500 гаруй тэрбум нь 68 нэр төрлийн халамжийн зардал байгаа. Халамжийн зардлуудын сүүлийн жилүүдийн төсвийн харилцааны үйл явцыг харахад дорж хаяж 3-5 хувийн хэмнэлт хийж болох судалгаа байна” гэлээ.

Б.Лхам