УИХ-ын гишүүдийн төсөвтэй холбоотой асуудал шуугиан тариад байгаа билээ. Гишүүд өөрсдийн захиран зарцуулдаг төсвөө ТББ-уудаар дамжуулан авдаг гэх мэдээлэл өнгөрсөн амралтын өдрүүдээр ил болсон. Эл асуудлын талаар Д.Тогтохсүрэн "УИХ-ын гишүүний төсөв нь гишүүний цалин, туслахуудын зардал, тойрогт ажиллах зардал зэргээс бүрддэг. Бид цалингаас гадуур 250 сая төгрөгийн зарцуулдаг нь үнэн. Биднээс өмнөх УИХ-д тогтсон санхүүгийн журмаар тойрогтоо ажиллах зардал, хуулийн төсөл боловсруулах зардал, шатахууны мөнгө зэрэг гишүүдээс гарсан зардлыг ТББ-аар дамжуулан авах ёстой гэж заасан байдаг юм билээ. Бид тэр л журмаар явж байгаа.  

УУХҮ сайд Г.Ёндонд хариуцлага тооцох нь зүйтэй гэж үзэж байна. Хууль дүрмийн өмнө хүн бүр эрх, тэгш эрхтэй байх ёстой. Бүлгийн гишүүд ч ийм байр суурьтай байгаа. Засгийн газар ойрын үед энэ асуудлыг шийдэх байх" гэв. 

Б.Баатар