ЗГХЭГ-ын дарга Л.Оюун-Эрдэнэ “Эрдэнэт үйлдвэр” ТӨҮГ-т зургаан сар хүртэлх хугацаагаар онцгой дэглэм тогтоосноо 2019 оны гуравдугаар сарын 6-ны өдөр сүржин мэдэгдэж байв. Монгол Улсын эдийн засгийн тодорхой хувийг нуруундаа үүрч яваа “Эрдэнэт” үйлдвэрт онцгой дэглэм тогтоосныг бид Засгийн газраас дэмжлэг үзүүлж, үйл ажиллагааг нь тогтвортой явуулахад анхаарч ажиллах нь гэж ойлгосон. Гэвч байдал эсрэгээрээ.

Ер нь  Онцгой дэглэм гээч юу вэ. Монгол Улсын Засгийн газарт эрх олгох тухай хуульд зааснаар "Улс орны эдийн засгийн байдлыг тогтворжуулах, шаардлагатай шуурхай арга хэмжээг цаг тухайд нь авч хэрэгжүүлж байх, болзошгүй сөрөг үзэгдлээс урьдчилан сэргийлэх зорилго"-оор хуульчлан зөвшөөрсөн байдаг аж. Бүр тодруулбал, уг хуулийн нэгдүгээр заалтад, “Улсын эдийн засгийн амьдрал, хүн амын үйлчилгээний хэвийн нөхцөлийг хангахад нэн чухал үүрэг бүхий тодорхой үйлдвэрийн газар, байгууллагад шаардлагатай гэж үзвэл нийтлэг баримталдаг хууль тогтоомжийн заалтыг хэрэглэхгүйгээр 6 сар хүртэл хугацаагаар тусад нь онцгой дэглэм тогтоож, харьяалал харгалзахгүйгээр өөрийн шууд хяналтад авч ажиллуулах эрхийг Монгол Улсын Засгийн газарт олгосугай” хэмээн заажээ.

Үүнээс үзэхэд нийтлэг баримталдаг хууль тогтоомжийг энэхүү зургаан сарын хугацаанд хэрэгжүүлэхгүй байж болох ба шууд хяналтаа тавих эрхийг Засгийн газарт өгчээ. Цаашлаад онцгой дэглэм тогтоосон үед авсан арга хэмжээний хэрэгжилтийн явцыг УИХ, олон түмэнд сар бүр мэдээлэх үүрэг хүлээсэн байна.

Үүнээс харахад Х.Бадамсүрэн захирлын тансаглалыг Засгийн газар мэдэж байсан болж таарна. Эс бөгөөс хяналт тавих үүргээ умартсан болж  таарч байна.

ЗГХЭГ-ын дарга Л.Оюун-Эрдэнэ таны “Онцгой дэглэм” тогтоосон газарт нөхцөл байдал ийм байна. Улс орны эдийн засгийг тогтворжуулах бус харин ч эсрэгээрээ улам доройтуулах ажил хийчихээд хэлэх үггүй суугааг хэрхэх вэ. Та ч тэдний адил бүлх залгисан мэт суугааг ашиг сонирхол нэг гэж харах уу, эсвэл...