Улсын Дээд шүүхийн шүүгчийг томилох асуудал ойрын өдрүүдэд олны анхаарал татаж байна.  Шүүхийн ерөнхий зөвлөлөөс Улсын Дээд шүүхийн шүүгчид Захиргааны хэргийн давж заалдах шатны шүүхийн шүүгч Ц.Цогт, хуульч С.Батхүлэг нарыг нэр дэвшүүлээд буй.

Гэсэн ч байнгын хорооны гишүүд ШЕЗ-өөс Улсын дээд шүүхийн шүүгчид нэр дэвшүүлсэн нэг нэр дэвшигчийг дэмжих боломжгүй гэдгээ удаа дараа илэрхийлсэн.

Үндсэн хуульд зааснаар Шүүхийн ерөнхий зөвлөлөөс Улсын дээд шүүхийн шүүгчдийг Улсын Их Хуралд танилцуулснаар Монгол Улсын Ерөнхийлөгч томилох учиртай. Дээд шүүхийн шүүгчээр хэн томилогдох нь олны анхаарал татаж байгаа учир нэр дэвшигч эрхмүүдийг хэн нь хэн бэ гэдгийг танилцуулж байна.   

Улсын Дээд шүүхийн шүүгчид нэр дэвшигч Ц.Цогт 

• 1975 онд Архангай аймагт төрсөн. 45 настай, ам бүл хоёр.
• 1983-1993 онд Архангай аймгийн 2 дугаар 10 жилийн дунд сургууль,
• 1994-1998 онд МУИС-ийн Хууль зүйн сургуулийг төгссөн. Эрх зүйч мэргэжилтэй.
• 2006-2007 онд АНУ-ын хууль зүйн Вилламетте их сургуульд хууль зүйн ухааны магистр,
• 2014-2017 онд Япон улсын Нагояагийн их сургуульд Хууль зүйн ухааны доктор цол хамгаалсан.
• 1998 онд Сонгинохайрхан дүүргийн шүүхэд шүүх хуралдааны нарийн бичгийн дарга,
• 1998-2004 онд Улсын дээд шүүхийн Эрүүгийн хэргийн танхимд нарийн бичгийн дарга, шүүгчийн туслах, ерөнхий шүүгчийн шүүн таслах ажиллагаа эрхэлсэн туслах,
• 2004-2011 онд Нийслэлийн Захиргааны хэргийн шүүхэд шүүгч,
• 2011-2013 онд Захиргааны хэргийн давж заалдах шатны шүүхийн ерөнхий шүүгч,
• 2013 оноос одоог хүртэл Захиргааны хэргийн давж заалдах шатны шүүхийн шүүгчээр ажиллаж байна. Мөн 2000-2002 онд МУИС-ийн Хууль зүйн сургуульд цагийн багш,
• 2007-2016 онд тавин хувийн багш,
• 2018-2019 онд цагийн багш,
• 2019 оны есдүгээр сараас Нийтийн эрх зүйн тэнхимийн гэрээт дэд профессороор ажиллаж байна.
• Нэр дэвшигч Ц.Цогт нь Улсын Дээд шүүхийн шүүгчийн сонгон шалгаруулалтын суурь болон тусгай шалгалтад Шүүхийн мэргэжлийн хорооны нэгдсэн үнэлгээгээр 88.64 оноо авчээ.

Улсын дээд шүүхийн шүүгчид нэр дэвшигч С.Батхүлэг

• 1978 онд Ховд аймагт төрсөн, 42 настай, эхнэр, 3 хүүхдийн хамт амьдардаг
• 1986-1996 онд Сэлэнгэ аймгийн 4 дүгээр 10 жилийн дунд сургууль,
• 1997-2002 онд ОХУ-ын Кубанийн Их сургуулийг төгссөн. Эрх зүйч мэргэжилтэй.
• 2012-2013 онд Австрали улсын Квисландийн төв их сургуульд менежментээр мастер,
• 2005 онд ОХУ-ын Краснодар хотын Их сургуульд Хууль зүйн ухааны доктор цол тус тус хамгаалсан.
• 2002-2005 онд Мандваа ХХК төслийн менежер,
• 2006.01-2006.03 сард Улс төрийн боловсролын академид судлаач багш,
• 2006-2011сард Голомт банк ХХК-ийн Хуулийн хэлтэст хуульч, Хуулийн хэлтсийн захиралаар,
• 2013-2015 сард Голомт банкны Удирдлагын ажлын албаны зөвлөхөөр,
• 2015 сараас одоог хүртэл Өмгөөллийн Санхүүгийн Хуулийн Зөвлөх ХХН-д хуульч, гүйцэтгэх захирлаар ажиллаж байна.
• Нэр дэвшигч С.Батхүлэг нь Улсын дээд шүүхийн шүүгчийн сонгон шалгаруулалтын суурь болон тусгай шалгалтад Шүүхий мэргэжлийн хорооны нэгдсэн үнэлгээгээр 78.36 оноо авсан байна.

Б.Баатар