УИХ-ын өнөөдрийн чуулганаар “Төрөөс мөнгөний бодлогын талаар 2021 онд баримтлах үндсэн чиглэл батлах тухай” Улсын Их Хурлын тогтоолын төслийн эцсийн хэлэлцүүлгийг хийж байна. Энэ үеэр гишүүд үг хэлж, асуулт асуулаа.

Д.Ганбат: Албан тасалгааны өрөө сайхан харагдаж байгаа байх. Бид бүхэн амьдралд ойртууллаа. Бидний цамцан дээрх болон урдаа тавьсан бичгээс харж байгаа байх. Эдгээрийг харгалзаж үзэхгүй бол иргэдийн амьдрал доройтож гүйцлээ. Хүүхдийн хадгаламжаас хүртэл 10 хувийн шимтгэл авах юм. Үүнийгээ больчихож болдоггүй юм уу. Гэсэн мөртлөө банкуудын АТМ байна. Маш их шимтгэл авдаг.

Ажлын хэсэг: Банкуудын АТМ-ыг нэгтгэх талаар ажиллаж байгаа. Банкуудын зүгээс АТМ-ыг цэнэглэдэг, засвраладаг дундын компанитай болъё. Улмаар шимтгэл болон бусад зүйлүүдээ бууруулна гэсэн. Таны хэлсэн асуудлыг ойрын хугацаанд шийдвэрлэнэ.

Н.Алтанхуяг: Эдийн засаг агшчихсан, мөнгөний урсгал буурсан энэ үед зургаан хувь гавьяатай тоо биш. УИХ, Засгийн газрын хүсээд байгаа зорилтуудыг хангасан мөнгөний бодлогыг хангаж чадахгүй байна. 27 сая төгрөгийн өр гэдэг чинь Ч.Хүрэлбаатар сайдаас уламжилж ирсэн тоо. Энэ нам, тэр нам гэхгүйгээр эдийн засаг, улс орны аюулгүй байдлын төлөө яръя гэсэн. Гэтэл ил яръя гээд зохион байгуулалттай хэдэн хүнээр яриулчихсан. Өр дарлаа гээд л байсан. Дөрвөн жилийн өмнө 15 сая төгрөгийн өр гээд байсан. Тэр нь үнэн бол өнөөдөр өсөөд 27 сая болсон нь үнэн. Б.Лхагвасүрэн Ерөнхийлөгч 2016 оноос хойш Засгийн газрын гадаад өр 3 орчим тэрбум ам.доллараар нэмэгдсэн. Гэтэл Сангийн сайд өр дарсан. Нэмэгдээгүй гээд байдаг. Ийм байж болохгүй. Мөнгөний нийлүүлэлтийг яаж баталсан юм бэ. Гишүүдэд тайлбарлаад өгөөч.

Монголбанкны Ерөнхийлөгч Б.Лхагвасүрэн: 2021 онд Монгол Улсын эдийн засаг 6-8 хувь өснө гэж төсөөлж байгаа. Өнөөдрийн байдлаар шинэ зээл гарч байгаа хэдий ч нийлбэр дүнгээрээ өсөхгүй байгаа. Тиймээс зээлийг идэвхжүүлэх мөнгөний бодлого оруулж ирсэн. Мөнгөний нийлүүлэлт 11 хувиар өснө гэж тооцсон. Монгол Улсын гадаад валютын нөөц 3.7 тэрбум ам.доллар байна.

Н.Алтанхуяг: 10 жилд байхад салан баавгайн үлгэр гэж байдаг байсан. Энэ үлгэрийг санаж яваарай. Юу баталж байгаагаа мэдэж байгаа юу гэж би асуусан. 4-5 жилийн өмнө 800 мянган төгрөгийн цалинтай иргэний орлого 400 орчим ам.доллартай тэнцдэг байсан. Өнөөдөр 250 ам.доллар болж буурсан. Үүнээс монголчуудын амьдралыг харж болно. УИХ үнэн тоо ярьдаг баймаар байна. Хэн нэгнийг буруутгах гэсэнгүй.

Б.Лхам