УИХ хоёр “Ганбаа”-тай. Иргэдийн дуудах нь ижил боловч, алдар нь, хоч нь гээд бүх зүйл нь өөр. Яагаав нэг нь “босоо”, нөгөө гэвэл ойлгогдож байна уу. Мэдээж “бидон” Ганбаа байлгүй яахав.

Татвар төлөгчдийн нэг тэрбум төгрөгөөр бидон авч тараасан УИХ-ын гишүүн Д.Ганбатыг иргэд мартаагүй. Муу нэрийг хусавч арилахгүй гэдэг шиг цаашид ч “бидон” Ганбаа хэвээр үлдэнэ. Тодруулбал, өнгөрөгч 2016 оны УИХ-ын сонгуулийн өмнө тухайн үеийн Хөдөлмөрийн сайдаар ажиллаж байсан  Г.Баярсайхан, Хууль зүйн байнгын хорооны дарга Д.Ганбат нар сонгогчдод бидон тараасан асуудал гарч тэр ч бүү хэл АТГ-ын хаалга татаад амжсан юм.

Бидон нь Д.Ганбатын зурагтай. Нэг хэсэг гишүүд өөрийн зурагтай ширдэг, цаг, аяга, цагалбар зэрэг тараах нь “моод”-нд орсон доо. Энэ үе “бидон” Ганбааг тойроогүй, дайрсан хэрэг. Харин саяны сонгуульд цэгцэрсэн юм шиг байгаа юм.

Энэ талаар тэрбээр нутгийнхнаа хуванцар савнаас үүсдэг хорт хавдраас сэргийлэхийн тулд Алдарт эхийн I, II одонг дагалдуулж, бидон тарааснаа хэвлэлд учирласан байдаг юм.

Хамгийн гол нь татвар төлөгчдийн мөнгийг бидон болгон хувиргаж байсан эрхэм төсвийг үр ашиггүй зарцуулж байна гээд яриад суух нь утгагүй юм. Сөрөг хүчний хувьд эрх баригч намын алдаа дутагдлыг хэлж, ярьж, засаж сайжруулах нь зөв. Угаас сөрөг хүчний үүрэг нь шүү дээ. Гэхдээ л авцалдаагүй, нөгөөтээгүүр, итгэл үнэмшилгүй санагдаж байна. Энэ талаар зарим иргэд ч өөрийн цахим хуудаснаа жиргэсэн харагдана лээ.

Б.Лхам