УИХ-ын ээлжит чуулганы хуралдаан цахимаар болж байна. Энэ үеэр гишүүдийн олонхийн саналаар хэлэлцэж буй асуудлыг хялбаршуулсан журмаар явуулахаар боллоо. Чуулганы хуралдаанаар 2021 оны төсвийн төслийн эцсийн хэлэлцүүлгийг хийж байна.

Т.Доржханд: Ирэх жилийн төсвийн төсөөлөл хэт өөдрөг байна. Эрсдэл байна шүү дээ гэхэд гайгүй байх аа л гээд байсан. Дэлхийн эдийн засаг агшиж байгаа энэ үед төсвийн өөдрөг төсөөллөө буулгах ёстой. Хөгжлийн бэрхшээлтэй иргэдэд олгодог 26 тэрбумыг хасаад төрийн албан хаагчдын цалинг нэмсэн гэж байна. Тайлбар өгөөч.

Б.Жавхлан: Хөгжлийн бэрхшээлтэй иргэдэд өгдөг халамжийн мөнгөнөөс нэг ч төгрөг хасагдаагүй. Сүүлийн үед халамж хавтгайрч байгаа талаар их ярьж байгаа. Тиймээс хавтгайрсан халамжаас татгалзана. Ирэх оны төсөвт халамжийн мөнгөнөөс таван хувиар бууруулж, хэмнэхээр оруулж ирсэн. Одоо халамжаас бүтээмж рүү шилжих ёстой. Халамжийн реформ хийх ёстой. Үүнийг хийж чадвал ирэх жил дахин таван хувиар бууруулах төлөвлөгөөтэй ажиллана.

Б.Лхам