УИХ-ээлжит цахим хуралдаанаар 2021 оны төсвийн төслийн эцсийн хэлэлцүүлгийг хийж, гишүүдийн 85.5 хувийн саналаар баталсан. 

Хэлэлцүүлгийн үеэр гишүүд ирэх оны төсвөө баталдгаараа батлаад Ерөнхийлөгчийн сонгуулиас өмнө тодотгох нь зүйтэй гэсэн байр суурийг илэрхийлж байлаа. 

Түүнчлэн Засгийн газар 50.6 сая ам.долларын зээлийг вакцинд зарцуулахаар төлөвлөсөн талаар Сангийн сайд Ч.Хүрэлбаатар онцлов.

Уг зээлийн хүсэлтээ Дэлхийн банканд хүргүүлээд байгаа бөгөөд гурав хоногийн дараа Дэлхийн банкны захирлуудын зөвлөл зээлийг хэлэлцэж батлах юм байна.

Дээрх зээлийн хүсэлт баталгаажвал хүн амын 60 хувь нь вакцинжуулалтад хамрагдах юм. 

А.Сүх