УОК-оос гарсан шийдвэрийг танилцуулж байна. Энэ үеэр Шадар сайд "Өнөөдрийн байдлаар нийт 19 хүн эмчлэгдэж байна. Хоёр хүний биеийн байдал хүнд байна. Бүх нийтийн бэлэн байдалд шилжсэнтэй холбогдуулан улсын хэмжээнд хүнсний хангамжийг таслахгүй байх үүрэг Ерөнхий сайд өгсөн. Энэ дагуу ажиллаж байна.

Өнөөдөр 215 мянган тонн мах нийслэлд орж ирсэн. Нийт 407 мянган тонн мах орж ирсэн.

Нийслэлийн махны нөөцийг энгийн үеэс хоёр дахин нэмэгдүүлсэн. Тусгай зориулалтаар явж байгаа автомашинд тусгай зохицуулалтын зөвшөөрөл өгч, тууз нааж байгаа. 

Мөн эмзэг бүлгийн иргэд, дотуур байрны сурагч, оюутнуудад тусламж олгоно.

Өнөө, маргаашдаа багтаад эмзэг бүлгийн иргэдэд хүнсний талоны мөнгө шилжүүлнэ. Харин оюутнуудын хувьд хүнсний багцаар тусламж үзүүлнэ. 

Гуравдугаарт, эм, эмнэлгийн хэрэгслийн нөөцийг бүрдүүллээ. Халдварын үед шаардлагатай бүх зүйлийг бэлдэж, татсан. Нэн шаардлагатай тоног төхөөрөмжийг өнөөдөр БНСУ-аас татлаа. Маргаашнаас 15 цэг нэмж нээнэ. Ойрын болон дам хавьтлын хүмүүс рүү холбогдон, та тэр хаягт очиж, шинжилгээгээ өгөөрэй гэж чиглүүлнэ. Даваа гараг гэхэд бүх шинжилгээний хариу гарна. Үүнд дам хавьтлын 2000 гаруй иргэнийг шинжилнэ. Шинжилгээний хариу ирэх даваа гарагт гарч дуусгана. 

Мөн нийтийн тээврийн асуудлаар тодорхой чиглэл гарлаа. Тухайлбал, нэг автобусанд явах иргэдийн тоог хязгаарлаж, халдвар хамгааллыг сахиулах үүрэг өглөө" гэв.

Б.Лхам