Эрсдэлтэй бүсээр нэрлэгдээд байгаа Сэлэнгэ аймгийн иргэд аймагтаа Онцгой байдлын газартаа хандив өгөөд эхэлжээ. Хатуу хөл хорионд байгаа ч боломжоороо тусалж дэмжиж байгаа сэлэнгэчүүддээ талархмаар. Тус аймгаас гаргасан мэдээлэлд "Иргэд, аж ахуйн нэгж, байгууллагууд "Ковид-19" вирусээс урьдчилан сэргийлэх, үйл ажиллагаанд хандив дэмжлэг үзүүлэх санаачилга гарган ажиллаж байгаад талархаж байна. Иймд та бүхэн аймгийн Онцгой байдлын газрын төрийн сангийн 100130031401 тоот дансанд хандив өргөж болно" гэжээ. 

Гэтэл аймгаас сонгогдсон эрхэм гишүүд болох Ч.Ундрам, Д.Өнөрболор Ж.Эрдэнэбат нар өнөөдрийг хүртэл яагаад таг чиг байна вэ. Энэ үед л тэдний дэм тусламж хэрэгтэй болж, тэд л төлөөллийнхөө хувьд одоо л хамтран энэ бүхний ард гарах учиртай баймаар.

2020 оны төсөвт суусан хөрөнгө оруулалтаар Сэлэнгэ аймаг наймдугаарт жагсч, 53 төсөл хөтөлбөр 33 тэрбум 700 сая төгрөгийг суулгасан байна. 100 мянга гаруй хүн амтай тус аймаг өнөөдөр эрсдлийн гол бүс болж байгаа ч сэлэнгэчүүдийн халуун сэтгэлээр даван гарах нь тодорхой. 

У.Тэргэл