УОК-ын мэдээллийн үеэр ЗГХЭГ-ын дарга Л.Оюун-Эрдэнэ мэдээлэл өглөө.

Тэрбээр "Хөл хориог яагаад сунгах болсон талаар тайлбарлах хэрэгтэй байх. Учир нь коронавирус батлагдсан тохиолдол нийсэлд 9, Сэлэнгэ аймагт 3 тохиолдол илрээд байна.

Тодруулбал, 255 орчим ойрын хавьтал, харин дам хавьтал 5300 орчим байна гэж мэргэжлийн байгууллагууд тайлбарлаж байна. Мөн Цагдаагийн байгууллагаас 4200 орчим болзошгүй тохиолдлыг илрүүлсэн.

Түүнчлэн мэдээллээ нуух зэрэг асуудал гарч байгаа учраас ДЭМБ болон мэргэжлийнхэн хөл хориогоо сунгах хэрэгтэй гэсэн зөвлөмж өгч байгаа. Хамгийн гол нь халдварын голомтыг хумихын тулд энэ арга хэмжээг авах зайлшгүй шаардлагатай байна.

Иргэд банкны зээлийг хойшлуулах талаар чих тавин сууж байна. Энэ талаар Засгийн газар хэлэлцэж, ажлын хэсэг гаран ажиллаж байна. Яг ийм тийм гэж хэлэх боломжгүй байна. Ирэх долоо хоногт Засгийн газрын ээлжит хуралдаанаар дахин ярина. Үүний дараа Сангийн сайд мэдээлэл хүргэнэ" гэлээ.

А.Сүх